María Jesús Pérez Fernández, letrada da Administración de xustiza do Xulgado de Primeira Instancia número 4 de Santiago de Compostela, polo presente

Faise saber:

Que no presente procedemento de xuízo ordinario 682/2015 seguido por instancia de Manuel Doce Corral, fronte a María Doce Sende, se ditou sentenza cuxo encabezamento e decisión son do teor literal seguinte:

«Xuízo ordinario 682/2015

En Santiago de Compostela, 2 de febreiro de 2017

Sentenza

Vistos por min, Ana Belén López Otero, maxistrada xuíza do Xulgado de Primeira Instancia número 4 de Santiago de Compostela, os presentes autos de xuízo ordinario tramitados co número 682/2015, nos que interviñeron como demandante Manuel Doce Corral, representado polo procurador dos tribunais Sr. Domelo Gómez e asistido polo letrado Sr. Basteiro Guerra, e como demandada María Doce Sende, en situación de rebeldía procesual, en virtude das seguintes consideracións,

Dispoño:

Estimar a demanda interposta por Manuel Doce Corral e, en consecuencia, declárase o dominio que ao demandante, para a súa sociedade de gananciais constituída coa súa esposa Catalina Tejedor Munín, corresponde, ao tela adquirido por prescrición adquisitiva extraordinaria, sobre o terreo inscrito no Rexistro da Propiedade número 1 de Santiago de Compostela, a favor da demandada ao tomo 1134, libro 160, folio 184, terreo 19515, a inscrita no Rexistro da Propiedade número 1 de Santiago de Compostela, a favor da demandada, ao tomo 1134, libro 160, folio 194, terreo 19.535, a inscrita no Rexistro da Propiedade número 1 de Santiago de Compostela, a favor da demandada, ao tomo 1135, libro 161, folio 10, terreo 19.617, ordenándose, así mesmo, a cancelación da inscricións rexistrais dos devanditos terreos a favor de María Doce Sende, e ordénase, así mesmo, practicar a inscrición rexistral do devandito terreo a favor de Manuel Doce Corral, para a súa sociedade de gananciais, todo iso con expresa imposición de custas á parte demandada.

Notifíqueselles esta resolución ás partes, facéndolles saber que contra esta cabe interpoñer recurso de apelación no prazo de vinte días a partir da súa notificación, logo de depósito da suma de 50 euros, para a súa ulterior resolución pola Audiencia Provincial.

Así o acordo, mando e asino».

Así mesmo, ditouse por instancia da parte demandante auto aclaratorio da referida resolución, cuxa parte dispositiva é do teor literal seguinte:

«Dispoño

Aclárase a sentenza ditada no marco deste procedemento no sentido de cando na parte dispositiva que “... e ordénase, así mesmo, practicar a inscrición rexistral do devandito terreo a favor de Manuel Doce Corral, para a súa sociedade de gananciais...” ha de entenderse que se establece “... e ordénase, así mesmo, practicar a inscrición rexistral dos devanditos terreos a favor de Manuel Doce Corral, para a súa sociedade de gananciais...”.

Notifíquese esta resolución ás partes facéndolles saber que contra esta non cabe interpoñer recurso ningún.

Así o acordo, mando e asino. Dou fe».

E para que sirva de notificación en forma á demandada, María Doce Sende, en situación de rebeldía e cuxo domicilio se descoñece, expido, selo e asino o presente.

Santiago de Compostela, 17 de febreiro de 2017

A letrada da Administración de xustiza