Mediante esta cédula, e de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas (BOE nº 236, do 2 de outubro), notifícaselles ás persoas que no anexo se relacionan a resolución do expediente sancionador OU-S-442016, da Área Provincial de Turismo de Ourense, xa que, intentada polos medios habituais, non se poido efectuar.
A interesada poderá recoller a resolución mediante comparecencia na dependencia da Área Provincial de Turismo, rúa Curros Enríquez, 1-3º andar, de Ourense.
Contra a dita resolución, que non esgota a vía administrativa, a interesada poderá interpor recurso de alzada ante a Dirección da Axencia Turismo de Galicia, no prazo dun (1) mes desde o día seguinte ao da súa publicación, segundo o disposto nos artigos 121 e 122 da Lei 39/2015, do 1 de outubro, todo iso, sen prexuízo de que os interesados poidan interpoñer calquera outro que considere oportuno.
De non presentar recurso no devandito prazo, as sancións devirán firmes e deben aboar os importes das multas no seguinte prazo: a) publicación entre os días 1 e 15 de cada mes, desde a data da publicación ata o día 5 do mes seguinte ou o inmediatamente hábil posterior, b) publicación entre os días 16 e último de cada mes, desde a data de publicación ata o día 20 do mes seguinte ou o hábil inmediatamente posterior, por transferencia bancaria mediante os impresos formalizados que lle serán facilitados nas dependencias da Área Provincial de Turismo de Ourense. De non efectuarse o ingreso no citado prazo, procederase á súa exacción por vía de constrinximento, segundo o disposto pola Orde do 23 de novembro de 2001 pola que se regula o procedemento de recadación voluntaria e executiva das multas e sancións, da Consellería de Facenda (DOG nº 235, do 5 de decembro).
Ourense, 15 de marzo de 2017
Cecilio Santalices de la Escosura Mourille
Xefe da Área Provincial de Turismo de Ourense
ANEXO
Expediente: OU-S-44/2016.
Titular sancionado: Night Ourense, S.L.
Establecemento: Pub Prive.
Domicilio: Lúa, 18.
Localidade: Ourense.
Resolución: 13 de febreiro de 2017.
Tipificación da infracción: artigo 109.2.a), 109.2.b) e 109.6) da Lei 7/2011, do 27 de outubro, de turismo de Galicia.
Sanción: seiscentos (600) euros.