O Pleno do Concello de Valga, en sesión extraordinaria do día 16 de marzo de 2017, acordou a aprobación provisional da modificación do escudo heráldico e a creación da bandeira do Concello de Valga.

En cumprimento do disposto no Regulamento de símbolos das entidades locais de Galicia, aprobado polo Decreto 19/2010, do 11 de febreiro, nos artigos 258 a 262 da Lei 5/1997, do 22 de xullo, de Administración local de Galicia, e nos artigos 22.2.b) e 47.2.e) da Lei 7/1985, reguladora das bases de réxime local, sométese o expediente a información pública polo prazo dun mes mediante este anuncio no Diario Oficial de Galicia, para que os interesados poidan examinar o expediente e presentar as reclamacións que consideren oportunas.

Se transcorrido o dito prazo non se presentan reclamacións, considerarase aprobado definitivamente o acordo.

Valga, 17 de marzo de 2017

José María Bello Maneiro
Alcalde