O Pleno da Corporación municipal na sesión ordinaria do 31 de agosto de 2016, aprobou inicialmente a modificación da inscripción no inventario municipal de bens inmobles da parcela 322, polígono 11, correspondente ao Centro Socio-Cultural de Ribeira, acordo que ten o seguinte contido literal:

«1º. Aprobar inicialmente a modificación da inscrición no inventario municipal da parcela catastral 322, polígono 11, no inventario municipal de bens inmobles, parcela do Centro Socio-Cultural de Ribeira.

2º. Aprobar inicialmente a inclusión das edificacións do Centro Socio-Cultural de Ribeira que forman parte da parcela catastral 322, polígono 11, no inventario municipal de bens inmobles.

3º. Someter o expediente a exposición pública por un prazo de trinta días mediante publicación no Diario Oficial de Galicia e taboleiro de edictos do concello».

O que se fai público para o xeral coñecemento para que os interesados presenten as alegacións, reclamacións e suxestións que consideren convenientes, en cumprimento do estipulado pola lexislación vixente, polo que se somete o expediente a información pública por un prazo de trinta días mediante publicación no Diario oficial de Galicia e taboleiro de edictos para os efectos de que polos interesados se presenten as reclamacións e suxerencias que se consideren convenientes.

O Porriño, 28 de febreiro de 2017

Eva García de la Torre
Alcaldesa