1. Entidade adxudicadora:
a) Organismo: Concello de Cuntis.
b) Dependencia que tramita o expediente: Secretaría.
c) Obtención de documentación e información:
1º. Dependencia: Secretaría.
2º. Domicilio: praza Constitución.
3º. Localidade: Cuntis, CP 36636.
4º. Teléfono: 986 54 80 05.
5º. Correo electrónico: contratación@concellodecuntis.es.
6º. Enderezo da internet do perfil do contratante da Xunta de Galicia:
http://www.contratosdegalicia.gal/consultaOrganismo.jsp?lang=gl&ID=800&N=270&OR=270.
2. Obxecto do contrato:
a) Tipo: servizos.
b) Descrición: servizo de Cuntilín.
c) Lugar de execución: Concello de Cuntis.
3. Tramitación e procedemento:
a) Tramitación: ordinaria.
b) Procedemento: aberto con varios criterios de adxudicación, que son os seguintes:
1º. Criterios avaliables mediante un xuízo de valor ata un máximo de 41 puntos.
1. Memoria técnica. A puntuación máxima a acadar nesta epígrafe é de 32 puntos.
Ata 4 puntos por cada actividade obrigatoria que se inclúa na memoria técnica e cumpra os requisitos enumerados nas bases.
Presentarase a memoria técnica tal e como se recolle na cláusula décima das bases, que deberá definir, de acordo coas exixencias do prego de prescricións técnicas, a proposta técnica que propón o licitador para realizar cada una das prestacións mínimas obrigatorias que integran o obxecto do contrato.
Os aspectos que se van puntuar na memoria técnica son:
• Claridade e especificidade na descrición da actividade: ata 0,5 puntos.
• A adecuación da actividade ás idades das e dos participantes: ata 0,5 puntos.
• Metas e obxectivos perseguidos: ata 0,5 puntos.
• Metodoloxía empregada: ata 0,5 puntos.
• O proxecto pedagóxico no seu conxunto: ata 2 puntos.
2. Actividades complementarias a maiores das actividades mínimas exixidas. A puntuación máxima que se acadará nesta epígrafe é de 9 puntos.
Ata 3 puntos por cada actividade optativa que se inclúa na memoria técnica e cumpra os requisitos enumerados nas bases.
As actividades que se oferten a maiores das actividades mínimas deben igualmente cumprir os requisitos expostos no prego de prescricións técnicas, nos números 2 e 3 da cláusula sétima e as cláusulas oitava e novena, así como deberán axustarse á descrición da memoria técnica que se presenta na cláusula décima do prego de prescricións técnicas. Deberán ser preferentemente actividades que fomenten a participación conxunta dos nenos e nenas e as súas familias e o coñecemento doutras realidades de Galicia.
Os aspectos que se van puntuar neste apartado son:
• Claridade e especificidade na descrición da actividade: ata 0,25 puntos.
• A adecuación da actividade ás idades das e dos participantes: ata 0,25 puntos.
• Metas e obxectivos perseguidos: ata 0,25 puntos.
• Metodoloxía empregada: ata 0,25 puntos.
• Participa a familia na organización e/ou desenvolvemento da actividade: ata 0,5 puntos.
• Favorece o coñecemento doutras realidades: ata 0,5 puntos.
• O proxecto pedagóxico no seu conxunto: ata 1 punto.
2º. Criterios avaliables mediante de xeito automático, ata 59 puntos.
1. Proposta de mais profesionais, a maiores do persoal mínimo exixido. A puntuación máxima que se pode acadar nesta epígrafe é de 19 puntos.
Como se especificaba no prego de prescricións técnicas, ademais do persoal mínimo exixido, valorarase que na oferta se inclúa algún profesional a maiores, que deberá cumprir os requisitos de cualificación que veñen definidos na letra C de solvencia técnica. No caso de ofertar máis profesionais dos mínimos exixidos, a entidade ou persoa xurídica que presenta a oferta deberá aplicar a corrección de xénero.
Tendo en conta o anterior, o baremo nesta epígrafe é o seguinte:
• Profesor/a especialista en Técnicas de Estudo, Habilidades Sociais e/ou Resolución de Conflitos: 5 puntos.
• Profesor/a especialista en Educación Especial: 5 puntos.
• Titulada/o superior en Educación Infantil: 4 puntos.
• Director/a de Actividades de Tempo Libre: 3 puntos.
• Monitor/a especialista en Psicomotricidade e Actividades Deportivas: 1 punto.
• Monitor/a especialista en Educación en Valores, Temas Transversais, Interculturalidade, etc.: 1 punto.
2. Formación complementaria de todo o persoal, a maiores da mínima exixida. A puntuación máxima que se pode acadar neste apartado é de 10 puntos.
Ademais da formación obrigatoria que deben ter as/os profesionais que se encargarán de desenvolver o proxecto «Cuntilín», será obxecto de valoración o seguinte:
a) Título de grao superior de Educación Infantil: 3 puntos.
b) Título de director/a de Actividades de Tempo Libre: 1 punto.
c) Título de monitor/a de Actividades de Tempo Libre: 0,5 puntos.
En caso de posuír os dous títulos, de director/a e monitor/a, terase en conta o superior.
d) Outros cursos relacionados: Educación en Valores, Educación Especial, Psicomotricidade, Linguaxe de Signos, Atención á Diversidade, Mediación en Conflitos.
– Por cada curso de máis de 20 horas: 0,05 puntos por cada 20 horas, segundo a seguinte fórmula: (Nº de horas/ 20) × 0,2. Ata un máximo de 5,5 puntos.
3. Oferta económica:
O prezo ofertado valorarase cunha puntuación máxima de 30 puntos, atribuíndose os trinta puntos á oferta económica que conteña o importe máis baixo, 0 puntos a oferta que conteña o orzamento base de licitación, e o resto das ofertas valoraranse de xeito proporcional.
4. Valor estimado do contrato:
O prezo do contrato será de 6.666,67 euros/mes, o que supón para o período de dous anos 160.000 euros.
Este contrato está exento de IVE o abeiro do disposto no artigo 20, punto 9 da Lei 37/1992, do 28 de decembro, do imposto sobre o valor engadido.
Na devandita oferta entenderanse incluídos todos os gastos que, de acordo co presente prego, son por conta do adxudicatario, así como todos os custos directos e indirectos aos que este haxa de facer fronte para presentar a súa oferta e cumprir con todas as obrigas contractuais
5. Duración do contrato:
O contrato do servizo Cuntilín terá unha duración de 2 anos. Poderá ser obxecto dunha soa prórroga por un ano.
6. Solvencia técnica e económica:
a) Solvencia económica: volume anual de negocios por importe igual ou superior ao exixido no convite a participar no procedemento, equivalente a un ano, e nos pregos do contrato, acreditado mediante a achega do resumo da declaración do IVE presentada en Facenda (modelo 390), correspondente ao último exercicio presentado.
Trátase de que o licitador conte cos medios financeiros adecuados para o exercicio da súa actividade; moi especialmente no que se refire aos compromisos que para a execución do contrato poida contraer con terceiras persoas.
b) Solvencia técnica: unha relación dos principais servizos ou traballos realizados no últimos cinco anos que inclúa importe, datas e o destinatario, público ou privado, deles. Os servizos ou traballos efectuados acreditaranse mediante certificados expedidos ou visados polo órgano competente, cando o destinatario sexa unha entidade do sector público; cando o destinatario sexa un suxeito privado, mediante un certificado expedido por este ou, na falta deste certificado, mediante unha declaración do empresario; se é o caso, estes certificados serán comunicados directamente ao órgano de contratación pola autoridade competente.
Entenderase acreditada a solvencia coa presentación dun certificado de boa execución dun servizo similar ao do obxecto deste contrato, de entre os que figuren na relación presentada.
7. Garantías:
a) Provisional: non se exixe.
b) Definitiva: 5 % do prezo de adxudicación (excluído o IVE).
8. Presentación de ofertas:
a) Data límite de presentación: dentro do prazo de 15 días naturais, contados desde o día seguinte á data da última publicación nun dos boletíns oficiais recollidos no prego (DOG ou BOP), de conformidade co disposto no artigo 169 do TRLCSP.
b) Documentación que hai que presentar: a sinalada na cláusula 11ª do prego de cláusulas administrativas particulares que rexen a contratación.
c) Órgano ao que vai dirixida a documentación: Alcaldía do Concello de Cuntis.
d) Lugar de presentación: Rexistro Xeral do Concello de Cuntis, ou en calquera dos lugares aos que fai referencia o artigo 16.4 da Lei 39/2015.
9. Apertura de ofertas: a data e hora publicarase no perfil do contratante.
10. Gastos de publicidade: serán por conta do adxudicatario os gastos de publicación dos anuncios nos boletíns oficiais.
Cuntis, 28 de febreiro de 2017
Manuel Campos Velay
Alcalde
