1. Entidade adxudicadora.
a) Organismo: Consellería do Medio Rural.
b) Dependencia que tramita o expediente: Servizo de Contratación.
2. Obxecto do contrato.
a) Tipo: contrato administrativo de obras.
b) Descrición do obxecto: a realización de obras de tratamentos silvícolas preventivos, para a redución e descontinuidade do combustible mediante rareos, rozas e podas, correspondentes á submedida 8.3, «Axuda para a prevención de danos causados por incendios, desastres naturais e outras catástrofes».
c) División por lotes e número: si, trece.
Lote 1 |
15M09/16 |
Tratamentos silvícolas para a prevención de incendios forestais en montes do concello de Mazaricos, do distrito forestal V-A Coruña |
Lote 2 |
15M10/16 |
Tratamentos silvícolas preventivos no monte Carballeiras e Vilar do distrito forestal II-Bergantiños-Mariñas Coruñesas |
Lote 3 |
15M12/16 |
Tratamentos silvícolas para a prevención de incendios forestais nos montes Seixo (C-1001), Capelada e Couce (C-2036), e Penagrande e outros (1515544)-distrito forestal I-Ferrol |
Lote 4 |
15M13/16 |
Tratamentos silvícolas preventivos en montes de xestión da demarcación do Barbanza do distrito forestal IV-Barbanza |
Lote 5 |
32M25/16 |
Tratamentos silvícolas para a prevención contra incendios forestais na demarcación I, do distrito XIII-Valdeorras-Trives (Ourense) |
Lote 6 |
32M32/16 |
Tratamentos silvícolas para a prevención contra incendios forestais nas demarcacións Baixa Limia 1 e 2 do distrito forestal XV-A Limia |
Lote 7 |
32M42/16 |
Tratamentos silvícolas para a prevención de incendios forestais no monte As Nabuíñas OR-1033 do concello de Laza, distrito forestal XIV-Verín-Viana (Ourense) |
Lote 8 |
36M11/16 |
Tratamentos silvícolas para a prevención contra incendios forestais nos montes Castrove, Rega do Can e Arén, distrito XIX |
Lote 9 |
36M12/16 |
Tratamentos silvícolas para a prevención contra incendios forestais no monte Salgueiras (Pontecesures), distrito XIX |
Lote 10 |
36M13/16 |
Tratamentos silvícolas para a prevención contra incendios forestais nos montes Xiabre e Bamio, distrito XIX |
Lote 11 |
27M21/16 |
Tratamentos silvícolas para a prevención contra incendios forestais nos concellos de Quiroga e Ribas de Sil (Lugo), cofinanciado polo Fondo Europeo Agrícola de Desenvolvemento Rural (Feader), no marco do PDR de Galicia 2014-2020 |
Lote 12 |
27M08/16 |
Tratamentos silvícolas para a prevención contra incendios forestais nos concellos de Abadín, Begonte, Castro de Rei, Guitiriz, A Pastoriza e Xermade (Lugo), cofinanciado polo Fondo Europeo Agrícola de Desenvolvemento Rural (Feader), no marco do PDR de Galicia 2014-2020 |
Lote 13 |
27M20/16 |
Tratamentos silvícolas para a prevención contra incendios forestais en varios montes de xestión pública dos concellos de Lugo e Friol (Lugo), cofinanciado polo Fondo Europeo Agrícola de Desenvolvemento Rural (Feader), no marco do PDR de Galicia 2014-2020 |
d) Prazo de execución: dezaoito (18) meses, a partir da sinatura da acta de comprobación de reformulo.
e) Admisión de prórroga: non.
f) CPV: 45111000-8.
3. Tramitación e procedemento de adxudicación: ordinaria e aberto non suxeito a regulación harmonizada. Documentalmente simplificado.
Criterios de adxudicación: prezo máis baixo.
4. Orzamento de licitación:
Importe neto: 2.639.079,56 €, IVE (ao 10 % e ao 21 %): 344.339,61 €. Importe total: 2.983.419,17 € (cuxa distribución por lotes é a que se especifica no cadro de características do prego de cláusulas administrativas particulares).
Valor estimado: 2.639.079,56 €.
5. Financiamento: cofinanciado con fondos Feader nun 75 %. Submedida 8.3 (axuda para a prevención dos danos causados aos bosques por incendios, desastres naturais e catástrofes), nun 7,5 % con fondos do Ministerio de Agricultura, Pesca, Alimentación e Medio Ambiente (Mapama) e nun 17,50 % con fondos da Xunta de Galicia.
6. Requisitos específicos do contratista:
a) Clasificación: non se exixe, mais se conta coa clasificación grupo K, subgrupo 6, categoría que corresponda, tendo en conta o valor medio anual dos lotes aos que licite, estará exento de acreditar a solvencia.
b) Solvencia económica e financeira e solvencia técnica e profesional, se é o caso: segundo o disposto nos parágrafos J e K do cadro de características do PCAP.
7. Garantías exixidas. Definitiva: 5 % orzamento de licitación, excluído o IVE.
8. Obtención de documentación e información.
a) Entidade: Secretaría Xeral Técnica da Consellería do Medio Rural. Servizo de Contratación.
b) Domicilio: Edificio Administrativo San Caetano, 4, CP 15781, Santiago de Compostela.
c) Teléfonos: 981 54 57 48 e 981 54 57 37 (consultas administrativas); 981 54 60 71 (consultas técnicas).
d) Telefax: 981 54 40 47.
e) Correo electrónico: licitacion.mediorural@xunta.gal
f) Data límite de obtención de documentos e información: ata a data límite de presentación das ofertas, de luns a venres, das 9.00 ás 14.00 horas.
Tamén se poderán obter os pregos relativos a esta contratación a través da internet no enderezo: http://www.contratosdegalicia.gal/resultado.jsp?N=137918
9. Presentación de ofertas.
a) Data límite de presentación: o prazo de presentación das ofertas empezará o día seguinte ao da publicación deste anuncio no Diario Oficial de Galicia e finalizará aos vinte e seis (26) días naturais, a non ser que o último día sexa inhábil, caso en que se prorrogará o prazo ao primeiro día hábil seguinte.
b) Documentación que hai que presentar: a indicada no prego de cláusulas administrativas particulares.
c) Lugar de presentación: o único rexistro válido será a oficina de Rexistro Único e Información da Xunta de Galicia (Edificio Administrativo de San Caetano, s/n, Santiago de Compostela, CP 15781); poderase enviar por correo dentro do prazo de admisión sinalado a este rexistro único. Cando a oferta se envíe por correo certificado dentro do prazo de admisión, o licitador deberá xustificar a data de imposición do envío na oficina de Correos e anunciarlle a súa remisión ao órgano de contratación no mesmo día, mediante telegrama, burofax ou fax (981 54 40 47), ou ben ao enderezo de correo electrónico licitacion.mediorural@xunta.gal.
d) Prazo en que o licitador estará obrigado a manter a súa oferta: dous (2) meses contados desde a data de apertura das proposicións.
10. Apertura das ofertas.
a) Enderezo: sala de xuntas da Secretaría Xeral Técnica da Consellería do Medio Rural.
b) Localidade e código postal: Santiago de Compostela, 15781.
c) Datas e horas: a apertura dos sobres B terá lugar, en acto público, ás 12.00 horas do décimo segundo día hábil seguinte ao da finalización do prazo de presentación das ofertas, a non ser que fose sábado, caso no que se prorrogará o prazo ao primeiro día hábil seguinte. No caso de non ser posible nesa data, tería lugar na data e hora que se comunicará mediante a súa publicación no perfil do contratante.
11. Gastos de publicidade: os custos do anuncio no DOG serán por conta dos adxudicatarios.
12. Outras informacións: establécense condicións especiais de execución no punto X do cadro de características do prego de cláusulas administrativas particulares.
Santiago de Compostela, 21 de marzo de 2017
A conselleira do Medio Rural
P.D. (Orde do 17.11.2015; DOG núm. 223, do 23 de novembro)
Mª del Carmen Bouso Montero
Secretaria xeral técnica da Consellería do Medio Rural