Mediante a Resolución da Alcaldía de 24 de febreiro de 2017, aprobouse inicialmente o estudo de detalle para edificio comercial destinado a supermercado de alimentación e aparcamento, na antiga estrada de Santiago á Estrada km 3, lugar de Estivada (Cacheiras), promovido por José Ángel Martín Cuesta, en representación de Mercadona, S.A. e redactado polo arquitecto Ramón Amadeo Facal Grobas.
Conforme ao artigo 80 da LSG e 194 do RLSG, sométese o expediente a información pública por prazo dun mes mediante a publicación deste anuncio no Diario Oficial de Galicia, na La Voz de Galicia, no taboleiro de edictos e na páxina web do concello. Durante ese prazo, que se computará a partir do seguinte ao da publicación deste anuncio no DOG, os propietarios e demais interesados poderán formular as alegacións que teñan por convenientes para a defensa dos seus dereitos e intereses.
De acordo co artigo 207 do RLSG, faise constar que o expediente completo está á disposición dos interesados no Departamento de Urbanismo, en horario de oficina, de 8.00 a 15.00 horas.
Teo, 10 de marzo de 2017
Rafael C. Sisto Edreira
Alcalde