XVB xuízo verbal 545/2015
Procedemento orixe: /
Sobre outros verbal
Demandantes: Rogelio Montoto Areán, Carmen Penela Sanmartín
Avogada: María de los Ángeles Blanco Pérez
Demandada: Rosa Penela Areán
Eu, Myriam de Mata Schick, letrada da Administración de xustiza, do Xulgado de Primeira Instancia e Instrución número 2 de Lalín,
Anuncio:
Que no presente procedemento de xuízo verbal 545/2015, seguido por instancia de Rogelio Montoto Areán, Carmen Penela Sanmartín contra Rosa Penela Areán, foi ditada sentenza cuxo teor literal di:
«Sentenza
Lalín, 30 de decembro de 2016.
Xuíz: Gonzalo Sans Besada.
Demandantes: Rogelio Montoto Areán e Carmen Penela Sanmartín.
Letrada: Ángeles Blanco Pérez.
Demandada: Rosa Penela Areán (en situación de rebeldía procesual).
Obxecto: declarativa de dominio. Usucapión.
Decido:
Estimar integramente a demanda presentada por Rogelio Montoto Areán e Carmen Penela Sanmartín e, en consecuencia:
1. Declaro que Rogelio Montoto Areán e Carmen Penela Sanmartín son os propietarios do predio rústico denominado O Verdial, que se corresponde co terreo nº 445 da zona de concentración parcelaria de San Pedro de Losón, Vila de Cruces, a secaño, cunha superficie de 20 áreas e 40 centiáreas, igual a 2.040 m2, que linda: norte, camiño; sur, con Jesús Otero Varela (453) e Marcial Otero Campos (545); leste, con Ramón Iglesias Pereira (446); e oeste, con Rosa Matilde Blanco Indraschitz (444), e que figura inscrito no Rexistro da Propiedade de Lalín, tomo 848, libro 108, folio 134, predio 17.390.
2. Condeno a demandada a estar e pasar pola anterior declaración.
3. Ordeno a cancelación da inscrición en favor de Rosa Penela Areán do referido terreo. Expídase o oportuno mandamento ao Rexistro da Propiedade de Lalín.
4. Condeno en custas a demandada.
Notifíquese ás partes.
Esta sentenza é firme.
Así o acordo e asino. Gonzalo Sans Besada, xuíz do Xulgado de Primeira Instancia e Instrución número 2 de Lalín».
E encontrándose a devandita demandada, Rosa Penela Areán, en paradoiro descoñecido, expídese este edicto co fin de que lle sirva de notificación en forma.
Lalín, 27 de xaneiro de 2017
A letrada da Administración de xustiza
