Patricia Raposo Fernández, letrada da Administración de xustiza do Xulgado de Primera Instancia número 2 de Pontevedra, polo presente anuncio
No presente procedemento seguido por instancia de Recreativos Mafari, S.A. fronte a Lucopor, S.L. e Jesús Ignacio Teijeira Rodríguez ditouse sentenza cuxo teor literal é o seguinte:
Que, estimando integramente a demanda interposta polo procurador Sr. Sanjuan Fernández, en nome e representación da mercantil Recreativos Mafari, S.A., debo:
– Declarar resolto o contrato privado de instalación e cesión de dereito de exclusiva de máquinas recreativas asinado polas partes o 5 de outubro de 2009 e o contrato de adquisición de café en exclusiva do 9 de outubro de 2009.
– Condenar a mercantil Lucopor, S.L. e a Jesús Ignacio Teijeira Rodríguez a aboar de forma conxunta e solidaria á mercantil Recreativos Mafari, S.A. a suma de 17.000 euros por resolución por incumprimento contractual e devolución de prestacións de contrato de dereito de exclusiva de máquinas recreativas do 5 de outubro de 2009, e a devolver os bens entregados pola demandante e que figuran referenciados na factura número H01/2301 do 30 de novembro de 2009 e nos albarás de entrega dos bens H01/3870 e H01/3878 como consecuencia do incumprimento do contrato de adquisición de café en exclusiva do 9 de outubro de 2009.
– Condenar a mercantil Lucopor, S.L. e a Jesús Ignacio Teijeira Rodríguez a aboar de forma conxunta e solidaria á mercantil Recreativos Mafari, S.A., en concepto de cláusula penal por incumprimento contractual, a cantidade de 2.000 euros derivada do contrato de adquisición de café en exclusiva do 9 de outubro de 2009.
Todo iso con imposición das custas causadas á parte demandada.
Notifíquese a presente resolución ás partes e comuníqueselle que fronte a esta cabe recurso de apelación cuxo coñecemento lle corresponde á Audiencia de Pontevedra, que se debe interpoñer ante este xulgado no prazo de 20 días contados a partir do seguinte ao da súa notificación.
Así por esta a miña sentenza, definitivamente xulgando en primeira instancia acórdoo, mándoo e asínoo.
E encontrándose o devandito demandado, Lucopor, S.L., Jesús Ignacio Teijeira Rodríguez, en paradoiro descoñecido, expídese o presente edicto co fin de que sirva de notificación en forma a este.
Pontevedra, 9 de febreiro de 2017
A letrada da Administración de xustiza