De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, logo de intentada a notificación sen que se puidese practicar, notifícase ás interesadas, por medio do presente anuncio publicado no Boletín Oficial del Estado (BOE) e que se sinala no anexo, a resolución do procedemento para a concesión dunha prórroga para executar os traballos da axuda relativa aos expedientes de subvención número 11320067/2016 e 11360011/2016 (Orde do 28 de de decembro de 2015 pola que se establecen as bases reguladoras das axudas para a reforestación e para a creación de superficies forestais, cofinanciadas polo Fondo Europeo Agrícola de Desenvolvemento Rural (Feader) no marco do Programa de desenvolvemento rural de Galicia 2014-2020, e se convocan para o ano 2016).

As interesadas poderán comparecer, no prazo de dez días hábiles contados desde o seguinte ao da publicación deste anuncio, nas dependencias da Dirección Xeral de Ordenación Forestal, situada na rúa San Lázaro, s/n, 15781 Santiago de Compostela, das 9.00 ás 14.00 horas, de luns a venres, para o coñecemento do contido íntegro da mencionada resolución e a constancia de tal coñecemento.

Transcorrido o dito prazo sen se efectuar a comparecencia, a notificación entenderase producida desde o día seguinte ao da data de finalización deste.

Concédeselles ás interesadas un prazo dun mes, contado a partir do día seguinte ao da notificación da resolución, en que poderán interpoñer potestativamente recurso de reposición perante a conselleira do Medio Rural ou directamente recurso contencioso-administrativo perante o órgano xurisdicional competente no prazo de dous meses a partir do día seguinte ao da súa notificación, consonte o disposto no artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de que as interesadas poidan exercer calquera outro que consideren pertinente.

O presente anuncio expídese para que conste e lle sirva de notificación ás interesadas, en cumprimento do disposto no artigo 44 da xa citada Lei 39/2015, do 1 de outubro. Así mesmo, este anuncio publicarase no Diario Oficial de Galicia, ben que se fai constar que a eficacia da notificación quedará supeditada á súa publicación no taboleiro de edictos único (TEU) do Boletín Oficial del Estado (BOE).

Santiago de Compostela, 24 de febreiro de 2017

Tomás Fernández-Couto Juanas
Director xeral de Ordenación Forestal

ANEXO

Expediente: procedemento para conceder unha prórroga para executar os traballos no expediente de subvención nº 11320067/2016.

Interesada: CMVMC de Bascois, Carballeda e Santa Cruz.

Acto de notificación: resolución.

Último enderezo coñecido: Carballeda, s/n, Carballeda de Valdeorras, Ourense.

Expediente: procedemento para conceder unha prórroga para executar os traballos no expediente de subvención nº 11360011/2016.

Interesada: CMVMC de Chamosa e Vilar.

Acto de notificación: resolución.

Último enderezo coñecido: Chamosa, s/n, Chamosa, Forcarei (San Martiño), 36556 Forcarei, Pontevedra.