Unha vez recibido informe favorable sobre a proposta de deslindamento con predios particulares presentada pola Comunidade de Montes Veciñais en Man Común de Budiño, concello do Porriño, e de acordo co disposto no artigo 54.1 da Lei 7/2012, do 28 de xuño, de montes de Galicia, sobre o procedemento de deslindamento de montes veciñais con propiedades particulares, acórdase sinalar o día 24 de abril de 2017, ás 9.00 horas, para o comezo das operacións de deslindamento, que comezarán no lugar de Monte Penizas (canteira de Cabaleiro), parcela 325, do polígono catastral 58.
Emprázanse os estremeiros e as persoas que acrediten un interese lexítimo para que asistan ao mencionado acto.
Ábrese un prazo dun mes, a partir do día seguinte ao desta publicación, para que os que se consideren con dereito á propiedade do monte ou de parte del e os estremeiros que desexen comparecer, para presentaren alegacións e os títulos que acrediten a propiedade, no Centro Cultural A Forna, Vacaría, 53, San Salvador de Budiño, 36475 O Porriño.
O que se fai público para xeral coñecemento.
Pontevedra, 20 de febreiro de 2017
Antonio Crespo Iglesias
Xefe territorial de Pontevedra