Eu, María Teresa Vázquez Abades, letrada da Administración de Xustiza do Xulgado do Social número 1 de Santiago de Compostela, fago saber que no procedemento conta de avogados 533/2016 deste xulgado do social, seguidos por instancia de Julian Ramos Zapata contra a empresa O Camiño 1, S.C., Eva María Lajos Carou, e Rocío Campaña Laíño, sobre despedimento, se ditou a seguinte resolución, cuxa parte dispositiva se achega:

«O letrado Julián Ramos Zapata presentou minuta de honorarios afirmando que aínda lle son debidos e non foron satisfeitos polo seu defendido no procedemento conta de avogados 533/2016.

De conformidade co artigo 35.2 da LAC, acordo:

Requirir a O Camiño 1, S.C., Eva María Lajos Carou e Rocío Campaña Laíño para que procedan a pagar a cantidade mil oitocentos quince euros (1.815 euros) nun prazo de dez días ou para que impugnen esta, expoñendo os motivos que tiver para impugnala e achegando, se é o caso, os documentos que tiver á súa disposición.

Igualmente apercibo o/a requirido/a de que se no devandito prazo non paga nin impugna conta de dereita e suplida, se procederá contra os seus bens pola vía de constrinximento, e despacharase execución pola cantidade a que ascende a conta, máis as custas.

Notifíqueselles ás partes, facéndolles saber que en aplicación do mandato contido no artigo 53.2 da LXS, no primeiro escrito ou comparecencia perante o órgano xudicial, as partes ou interesados, e, se é o caso, os profesionais designados, sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións neles intentadas sen efecto serán válidas mentres non sexan facilitados outros datos alternativos, sendo carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similares, sempre que estes últimos estean a ser utilizados como instrumentos de comunicación co tribunal.

Modo de impugnación: mediante recurso de reposición que se interpoñerá perante quen dita esta resolución, no prazo de tres días hábiles seguintes ao da súa notificación con expresión da infracción que a xuízo do recorrente contén esta, sen que a interposición do recurso teña efectos suspensivos con respecto á resolución recorrida».

E para que sirva de notificación en legal forma a O Camiño 1, S.C., en ignorado paradoiro, expido a presente para a súa inserción no taboleiro de anuncios do xulgado, e publicación no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de localización.

Santiago de Compostela, 15 de febreiro de 2017

A letrada da Administración de xustiza