Eu, Blanca Susana Janeiro Amela, letrada da Administración de xustiza do Xulgado do Social número 4 de Pontevedra, fago saber que no procedemento ordinario 335/2016 deste xulgado do social, seguido por instancia de María Gregoria Serrano García contra a empresa Moda Pontevedra, S.L. e o Fondo de Garantía salarial, sobre ordinario, foi ditada a resolución cuxa parte dispositiva di:
«Estimando a demanda interposta por Mª Gregoria Serrano García contra a empresa Moda Pontevedra, S.L., condeno a empresa demandada a aboar á demandante a cantidade de 7.600,27 euros máis o 10 % en concepto de xuros por demora.
Así o pronuncio, mando e asino por esta sentenza.
Isto coa intervención do Fogasa.
Contra a presente resolución cabe interpor recurso de suplicación ante a Sala do Social do Tribunal Superior de Xustiza de Galicia, conforme establece o artigo 191 e seguintes da Lei reguladora da xurisdición social, o que se debe anunciar dentro dos cinco días seguintes á notificación desta sentenza. A recorrente debe consignar, coa interposición do recurso e coas excepcións previstas no artigo 229 do texto citado, a suma de 300 euros na conta que este xulgado ten aberta na oficina principal de Banesto desta cidade, baixo a denominación “Depósitos e consignacións”, co numero 5081, especificando a clave 65 ao tratarse dun recurso de suplicación.
Así mesmo, e coa excepción prevista no artigo 230 do texto mencionado, será indispensable acreditar no momento do anuncio do recurso, ter consignado na conta anteriormente citada a cantidade obxecto de condena, ben que se pode proceder a asegurar a suma por medio de aval bancario, con responsabilidade do avalista.
Así o pronuncio, mando e asino por esta sentenza».
E para que sirva de notificación en legal forma a Moda Pontevedra, S.L., en ignorado paradoiro, expido este edicto para a súa inserción no Diario Oficial de Galicia.
Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.
Pontevedra, 3 de febreiro de 2017
A letrada da Administración de xustiza
