De conformidade co disposto no artigo 15 da Lei 9/2007, do 13 de xuño, de subvencións de Galicia; no artigo 17 da lei 1/2016, do 18 de xaneiro, de transparencia e bo goberno; no artigo 25 do anexo I da Orde do 15 de febreiro de 2016 pola que se establecen as bases reguladoras para a concesión, en réxime de concorrencia competitiva, de subvencións destinadas á creación de viveiros industriais de empresas en parques empresariais da Comunidade Autónoma de Galicia, e se procede á súa convocatoria para o ano 2016 (código de procedemento IN541A), publicouse por medio da Resolución da Dirección Xeral de Enerxía e Minas do 21 de xuño de 2016 o extracto das axudas outorgadas pola Consellería de Economía, Emprego e Industria ao abeiro da dita orde (DOG núm. 129, do 8 de xullo).

De acordo co previsto no artigo 17 do anexo I da Orde do 15 de febreiro de 2016, un dos concellos beneficiarios renunciou á axuda concedida antes do peche da listaxe de agarda. Co crédito dispoñible e ata o seu esgotamento, procedeuse á concesión das axudas aos concellos que estaban na dita listaxe.

Publícanse por medio desta resolución os beneficiarios definitivos das axudas outorgadas pola Consellería de Economía, Emprego e Industria ao abeiro da Orde do 15 de febreiro de 2016. No anexo a esta resolución recóllense os beneficiarios e o importe das axudas. A listaxe inclúe os beneficiarios que renunciaron á subvención.

Santiago de Compostela, 9 de febreiro de 2017

Ángel Bernardo Tahoces
Director xeral de Enerxía e Minas

ANEXO
Subvenciones concedidas

Expediente	Beneficiario	NIF	Contía da axuda (€)
IN541A_2016/06	Concello de Boiro	P1501100J	150.578,13
IN541A_2016/01	Concello de Cambados	P3600600E	100.540,66
IN541A_2016/08	Concello de Cerceda	P1502400C	235.673,02
IN541A_2016/03	Concello de Friol	P2702000G	129.020,47
IN541A_2016/02	Concello de Outeiro de Rei	P2703900G	216.642,07
IN541A_2016/04	Concello de Vilanova de Arousa	P3606100J	239.484,17