Eu, Encarnación Mercedes Tubío Lariño, secretaria do Xulgado do Social número 4, dou fe e certifico que neste xulgado se seguen autos número 464/2014 a instancia de Sandra Milena Perilla contra a empresa Cartan Tapas y Vinos, S.L., o administrador concursal da devandita empresa, e o Fondo de Garantía Salarial sobre reclamación de cantidade, nos que recaeu sentenza en data 24.1.2017 que copiada nos particulares necesarios di así:
Fallo:
Estímase a demanda formulada por Sandra Milena Perilla Barrera, fronte á empresa Cartan Tapas y Vinos, S.L., a súa administración concursal, con intervención do Fondo de Garantía Salarial e, en consecuencia:
– Condénase á empresa Cartan Tapas y Vinos, S.L., a aboar a Sandra Milena Perilla Barrera a cantidade de oitocentos corenta e oito euros con noventa e nove céntimos de euro (848,99 euros), percibindo os conceptos salariais os xuros moratorios do 10 %, vinculando tal condena ao administrador concursal de Cartan Tapas y Vinos, S.L.
Notifíquese a presente resolución ás partes, facéndolles saber que contra esta non cabe recurso de suplicación por razón da contía, sen prexuízo dos demais motivos previstos no artigo 191 da LRXS.
A competencia para coñecer o recurso de suplicación corresponderá, se é o caso, ao Tribunal Superior de Xustiza de Galicia, debendo anunciarse este neste xulgado no prazo dos cinco días seguintes á notificación desta resolución abondando a manifestación da parte ou do seu avogado, graduado social, ou representante dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado facendo constar no ingreso o número de procedemento.
Así o acorda, manda e asina, Nicolás E. Pita LLoveres, maxistrado do Xulgado do Social número 4 da Coruña.
E para que conste, para os efectos da súa publicación no Diario Oficial de Galicia co fin de que sirva de notificación en forma á empresa Cartan Tapas y Vinos, S.L., expido e asino a presente.
A Coruña, 1 de febreiro de 2017
A secretaria xudicial
