A persoa titular da Xefatura Territorial da Coruña ditou a resolución do expediente sancionador XC-01737-O-2016 e un máis por infracción da normativa sobre transporte terrestre.
Intentada a notificación da resolución por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo, e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanselles as resolucións ditadas ás persoas interesadas.
Son informadas de que os expedientes sancionadores se atopan á súa disposición nas oficinas do Servizo de Mobilidade da Coruña.
Comunicáselles que contra a resolución sancionadora, que non é definitiva na vía administrativa, cabe recurso de alzada, ante a persoa titular da Dirección Xeral de Mobilidade da Consellería de Infraestruturas e Vivenda, no prazo dun mes contado desde o día seguinte ao da publicación deste anuncio no BOE.
As sancións impostas foron aboadas anticipadamente cunha redución do seu importe conforme o previsto no artigo 146.3 da Lei 16/1987, do 30 de xullo, de ordenación dos transportes terrestres.
A Coruña, 26 de xaneiro de 2017
César Concheiro Ceide
Xefe do Servizo de Mobilidade da Coruña
ANEXO
Expediente Matrícula |
Persoa sancionada DNI/CIF |
Infracción cometida Data-Hora-Estrada-p.q. |
Precepto cualificador |
Precepto sancionador |
Sanción imposta |
XC-01737-O-2016 0380-FGG |
Lozano Rojas, Julio 52330466S |
Exceso no tempo de condución bisemanal (90 horas). Máis de 90 horas ata 100 horas. 18.4.2016; 13.37; AP9F; 25,5 |
Art. 142.17 LOTT |
Art. 143.1.a) LOTT |
100 euros |
XC-02027-O-2016 1978-FWT |
Ramón Amosa López 35283261L |
Exceso nos tempos máximos de condución diaria (sobre 10 horas). Máis de 10 horas ata 11 horas. 8.5.2016; 11.35; N634; 676,0 |
Art. 142.17 LOTT |
Art. 143.1.a) LOTT |
100 euros |