O Pleno do Concello de Miño, na sesión extraordinaria do 6 de febreiro de 2017, adoptou entre outros, o seguinte acordo:
Primeiro. Aprobar inicialmente o documento de modificación puntual número 4 do PXOM, sometendo o expediente a información pública, durante o prazo de dous meses, mediante anuncio no DOG e nun dos xornais de maior difusión na provincia.
Segundo. Remitir copia de toda a documentación ao órgano competente en materia de urbanismo, que dará audiencia aos municipios limítrofes e acadará os informes sectoriais autonómicos preceptivos.
Terceiro. Acordar a suspensión de licenzas nas edificacións que se pretenden incluír no catálogo de protección, así como nos núcleos nos que se propón a modificación das aliñacións e clasificación do solo, de acordo co documento de modificación puntual número 4 do PXOM, polo prazo de dous anos, que se contará desde a data do acordo de aprobación inicial, extinguíndose a dita suspensión en todo caso coa aprobación definitiva da modificación puntual.
O que se fai público de conformidade co disposto no artigo 60.6 da Lei 2/2016, do 10 de febreiro, do solo de Galicia.
Miño, 13 de febreiro de 2017
Ricardo A. M. Sánchez Oroza
Alcalde