O Concello Pleno, na súa sesión ordinaria do 2 de febreiro de 2017, logo dos informes e trámites preceptivos, e de conformidade co disposto no artigo 42.5 da Lei 2/2016, do 10 de febreiro, do solo de Galicia, e no artigo 65.7 do Decreto 143/2016, do 22 de setembro, aprobatorio do Regulamento da indicada lei, aprobou, por unanimidade, o cambio de uso da parcela Estadio 1 (de 2.548,00 m2) do Plan especial de infraestruturas e dotacións para a modificación da ordenación detallada do sistema xeral-dotacional-1-Estadio Municipal-, co obxecto de posibilitar a construción dunha nova escola infantil.
Así, o uso inicialmente asignado á nomeada parcela por parte do Plan especial (dotacional, docente) mudouse polo de «dotacional, asistencial» co gallo de posibilitar a construción de referencia. Os dous usos están sinalados dentro do global dotacional.
As condicións urbanísticas manteranse inalteradas e serán de aplicación as recollidas no artigo 146 do Plan xeral de ordenación municipal.
O nomeado cambio de uso fundamentouse na memoria confeccionada polo arquitecto técnico municipal (Sr. Órrea Corral) o 30 de xaneiro de 2017.
O acordo pon fin á vía administrativa e contra el pódese interpoñer recurso contencioso-administrativo perante a sala correspondente do Tribunal Superior de Xustiza de Galicia, no prazo de dous meses, contado a partir do día siguiente a aquel en que se practique a súa publicación no Diario Oficial de Galicia ou no Boletín Oficial da provincia ou, se é o caso, da súa notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa, sen prexuízo de cualquera outro que se considere pertinente.
A Estrada, 6 de febreiro de 2017
José C. López Campos
Alcalde