De conformidade co disposto no artigo 45 da Lei 39/2015, do procedemento administrativo común das administracións públicas, e en aplicación da resolución emitida pola Presidencia de Portos de Galicia o 10 de febreiro de 2017, anúnciase, mediante a publicación no Diario Oficial de Galicia e na páxina web www.portosdegalicia.com, seccións «Documentación» e «Transparencia-Información económica, orzamentaria e estatística», epígrafe «Alleamento de embarcacións», o inicio de procedemento para a venda directa de diversas embarcacións incautadas por Portos de Galicia.
A resolución de convocatoria, as bases aplicables a esta, a relación de embarcacións e o modelo de proposición económica poderán ser consultados e descargados a través da páxina web www.portosdegalicia.com, sección «Documentación» e «Transparencia-Información económica, orzamentaria e estatística», epígrafe «Alleamento de embarcacións».
As persoas interesadas en participar formularán a súa oferta ou ofertas conforme o modelo do anexo III da resolución e, na forma e xunto coa documentación prevista na condición cuarta do anexo II.
O prazo de presentación de ofertas finaliza o dia 31 de marzo de 2017.
Santiago de Compostela, 10 de febreiro do 2017
José Ignacio Villar García
Director de Portos de Galicia