No Xulgado do Contencioso-Administrativo número 1 de Vigo tramítase o recurso 555/2016 (procedemento abreviado), interposto por María Olga Souto Rodríguez fronte á desestimación tácita do recurso de reposición interposto contra a Resolución do 27 de abril de 2016, da Dirección Xeral de Recursos Humanos do Servizo Galego de Saúde, pola que se publica a orde de prelación e puntuación definitiva obtidas polas persoas aspirantes admitidas no proceso de actualización das listas de selección temporal de diversas categorías sanitarias (categoría: técnico/a superior de anatomía patolóxica e citoloxía) (DOG núm. 88, do 10 de maio).
A recorrente discrepa da puntuación obtida na epígrafe de experiencia profesional.
O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 27 de xaneiro de 2017
Margarita Prado Vaamonde
Directora xeral de Recursos Humanos