Eu, Anxo Gómez Santos, letrado da Administración de xustiza, fago saber que no JVH (desafiuzamento precario) 143/2016 seguido no Xulgado de Primeira Instancia número 4 de Vigo, se ditou a seguinte resolución:

Sentenza 223/2016.

Vigo, 19 de decembro de 2016.

Vistos por min, Manuel Ángel Pereira Costas, maxistrado do Xulgado de Primeira Instancia número 4 de Vigo, os presentes autos de xuízo verbal que co número 143/2016 se seguen por instancia de José Eduardo Rodríguez López, representado pola procuradora Sara Noemí Pombar Rodríguez e dirixido pola letrada Susana Rodríguez Couto, contra Santiago Suárez Márquez, declarado en situación procesual de rebeldía, os cales teñen por obxecto unha pretensión de desafiuzamento por precario.

Resolvo:

Estimo totalmente a demanda interposta por José Eduardo Rodríguez López contra Santiago Suárez Márquez, e fago, en consecuencia, os seguintes pronunciamentos:

1º. Condeno a Santiago Suárez Márquez a que deixe libre, vacuo e expedito, ao dispor do demandante, o inmoble sito na rúa Alta, 27, baixo, de Vigo, que vén ocupando en precario, coa advertencia de que, no caso de non facelo voluntariamente, terá lugar o seu lanzamento.

2º. Condeno a Santiago Suárez Márquez a aboar as custas procesuais.

Notifíqueselles esta sentenza ás partes, ás cales se lles fará saber que non é firme e que contra ela poderán interpoñer recurso de apelación, para ante a Audiencia Provincial de Pontevedra, no prazo de vinte días.

Así o acordo, mando e asino.

Como consecuencia do ignorado paradoiro de Santiago Suárez Márquez e para que lle sirva de notificación, expido este edicto.

Vigo, 21 de decembro de 2016

O letrado da Administración de xustiza