No Boletín Oficial da provincia, do 10 de xaneiro de 2017 (BOP núm. 7, páxina 2) e no Diario Oficial de Galicia, do 11 de xaneiro de 2017 (DOG núm. 7, páxina 1583), publícase a convocatoria do procedemento aberto para a contratación da subministración de ligante C65B2 para a súa utilización polas brigadas da Deputación Provincial de Ourense durante o ano 2017 na zona oeste da provincia. Ao existir un erro no seu prego de cláusulas administrativas xerais na súa cláusula V, cómpre facer a seguinte corrección:
Onde di:
«Prezo máximo por tonelada de C65B2 subministrada no centro de traballo da Deputación (nave do Servizo Provincial de Vías e Obras no termo municipal da Pobra de Trives), incluíndo material e transporte, 347,11 € (IVE excluído)».
Debe dicir:
«Prezo máximo por tonelada de C65B2 subministrada no centro de traballo da Deputación (nave do Servizo Provincial de Vías e Obras no polígono de San Cibrao das Viñas), incluíndo material e transporte, 347,11 € (IVE excluído)».
A presente rectificación de erros altera o prazo límite de presentación de ofertas que finalizará o décimo quinto (15º) día natural contado desde o seguinte ao da publicación desta corrección de erros no Diario Oficial de Galicia.
Ourense, 27 de xaneiro de 2017
José Manuel Baltar Blanco
Presidente da Deputación Provincial de Ourense