De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, procédese a dar publicidade á parte substantiva do acordo adoptado pola Xefatura Territorial da Coruña da Consellería de Cultura, Educación e Ordenación Universitaria:
Primeiro. Iniciar o procedemento de reintegro das bolsas concedidas e identificadas no anexo desta resolución.
Segundo. Pór á disposición da interesada os expedientes para que, consonte o previsto no artigo 82 da Lei 39/2015, do 1 de outubro (BOE do 2 de outubro), do procedemento administrativo común, no prazo de 10 días, contados a partir do día seguinte ao da publicación desta resolución no BOE, alegue e presente os documentos e xustificacións que coide pertinentes ante a Sección de Bolsas da Xefatura Territorial da Consellería de Cultura, Educación e Ordenación Universitaria, situada no Edificio Administrativo Monelos, rúa Vicente Ferrer 2-9º da Coruña.
Transcorrido este prazo, a Dirección Xeral de Formación e Orientación Universitaria do Ministerio de Educación, de ser o caso, ditará resolución que determine tanto a procedencia do reintegro como a liquidación dos xuros de demora correspondentes desde o momento do pagamento da bolsa.
No obstante, no suposto de que a interesada estea conforme coa obriga do reintegro, poderá facelo efectivo en calquera banco ou caixa de aforros, facendo uso dos documentos habilitados para o efecto; así darase por concluído o expediente.
No mesmo prazo poderá solicitar na súa delegación do Ministerio de Economía e Facenda o aprazamento ou fraccionamento do pagamento. Neste último caso, a solicitude de aprazamento considerarase un recoñecemento da débeda.
A Coruña, 10 de xaneiro de 2017
Indalecio Cabana Leira
Xefe territorial da Coruña
ANEXO
Interesada: Jiménez Crofot, Divi Esperanza.
NIE: Y0454069V.
Importe: 2.383,17 €.
Curso: 2014/15.
Causa: 1.1.