De conformidade co disposto nos artigos 44 e 46 da Lei 39/2015, do procedemento administrativo común das administracións públicas, se notifica a todas as persoas que poidan ter interese neste procedemento, en tanto titulares de dereitos ou intereses lexítimos que poidan resultar afectados pola decisión que se adopte e, en particular, a aquelas que puideren atoparse ocupando o departamento, que o 13 de xaneiro de 2017 o presidente de Portos de Galicia acordou iniciar expediente de desafiuzamento administrativo do departamento en cuestión.
Este anuncio publicarase no Diario Oficial de Galicia e no BOE, ben que a eficacia do acto notificado quedará supeditada á súa publicación no BOE.
O presente acto administrativo que emite a Presidencia do Consello de Administración da entidade pública Portos de Galicia, de acordo coas competencias previstas no artigo 114 da Lei 5/2011, de patrimonio da Comunidade Autónoma de Galicia, emítese en aplicación do artigo 113 desa lei, do artigo 103 do Real decreto lexislativo 2/2011, do 5 de setembro, que aproba o texto refundido da Lei de portos do Estado e da mariña mercante, e do artigo 31 do Decreto 227/1995, que aproba o regulamento da entidade pública Portos de Galicia, e os motivos son que a autorización a nome de Marcos Gey Garrido está vencida e non pode ser renovada pola existencia de débedas en concepto de taxas portuarias.
O departamento deberá ser abandonado nun prazo máximo de 10 días contados desde a publicación da presente cédula no Boletín Oficial del Estado, o que se formalizará coa entrega das chaves ao persoal de Portos de Galicia.
Outórgase trámite de audiencia por un prazo máximo de 10 días hábiles contados desde a publicación da presente cédula no Boletín Oficial del Estado, durante o cal poderán formularse alegacións e presentarse os documentos ou xustificacións que se consideren pertinentes.
De ser preciso o desafiuzamento, será executado co auxilio das Forzas e Corpos de Seguridade do Estado.
Contra o presente acto administrativo de iniciación non se admitirán accións interditais ou para a tutela sumaria da posesión das previstas na Lei de axuizamento civil.
Santiago de Compostela, 13 de xaneiro de 2017
José Juan Durán Hermida
Presidente de Portos de Galicia