Detectado erro no primeiro parágrafo do punto 2.2 Requisitos específicos, da Resolución do 22 de decembro de 2016 da Universidade da Coruña, pola que se convoca concurso de acceso a prazas de corpos docentes universitarios, publicada no Boletín Oficial del Estado núm. 10, do 12 de xaneiro de 2017, procédese a efectuar a seguinte rectificación:

No primeiro parágrafo do punto 2.2 Requisitos específicos onde di: «Ser funcionario ou funcionaria do corpo de profesores e profesoras titulares de universidade ou da escala de investigadoras e investigadores científicos dos organismos públicos de investigación, e prestar, como mínimo, dous anos de servizos efectivos baixo esta condición. Estar acreditado ou acreditada para o corpo docente de catedráticos e catedráticas de universidade conforme ao establecido no Real decreto 1312/2007, do 5 de outubro, modificado polo Real decreto 415/2015, do 29 de maio», debe dicir: «Estar acreditado ou acreditada para o corpo docente de profesores e profesoras titulares de universidade conforme o establecido no Real decreto 1312/2007, do 5 de outubro, modificado polo Real decreto 415/2015, do 29 de maio».

Ábrese un novo prazo de presentación de solicitudes de 15 días hábiles, contados a partir do día seguinte ao da publicación desta resolución no Boletín Oficial del Estado.

A Coruña, 12 de xaneiro de 2017

Julio E. Abalde Alonso
Reitor da Universidade da Coruña