O secretario xeral técnico ditou as resolucións dos recursos presentados no expediente sancionador RA/M/2016/00041 e dous máis por infracción da normativa sobre transporte terrestre.
Intentada a notificación da resolución por correo certificado con xustificante de recepción no enderezo que consta no correspondente expediente sancionador, esta foi devolta polo servizo de Correos. Por este motivo e de conformidade co artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanse as resolucións ditadas ás persoas interesadas.
Infórmase de que os expedientes sancionadores se atopan á súa disposición na Secretaría Xeral Técnica da Consellería de Infraestruturas e Vivenda, situada nos edificios administrativos de San Caetano, en Santiago de Compostela (A Coruña).
Contra as ditas resolucións, que poñen fin á vía administrativa, cabe recurso contencioso-administrativo ante o xulgado do contencioso-administrativo, no prazo de dous meses contados desde o día seguinte ao da publicación deste anuncio no BOE, de conformidade cos artigos 8 e 14 da Lei 29/1998, do 13 de xullo, reguladora da xurisdición contencioso-administrativa.
En caso de non ter aboado o importe da sanción, deberán pagar o seu importe dentro do prazo establecido no artigo 62 da Lei 58/2003, do 12 de decembro, xeral tributaria, empregando o modelo impreso que se facilitará nas oficinas da Secretaría Xeral Técnica da Consellería de Infraestruturas e Vivenda.
De non efectuarse o ingreso no dito prazo, procederase ao seu cobramento pola vía de constrinximento, segundo o disposto no artigo 97 da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 9 de xaneiro de 2017
Joaquín Macho Canales
Secretario xeral técnico da Consellería de Infraestruturas e Vivenda
ANEXO
Expediente Número recurso Matrícula |
Recorrente |
Infracción cometida Datos da denuncia: Data-Hora-Estrada-p.q. |
Precepto infrinxido |
Sanción imposta |
Resolución do recurso |
XC-02783-O-2014 RA/M/2016/00041 4865-GBX |
Transportes Javier García Santos, S.L. |
A carencia a bordo do vehículo das follas de rexistro dos tempos de condución e descanso xa utilizadas. 4.2.2014; 8.36; N 634; 709,5 |
Art. 140.35 LOTT |
1.001,00 € |
Desestimatoria, confirmando a sanción imposta |
XC-02437-O-2014 RA/M/2016/00093 8859-FHG |
Hermanos Pallas, S.L. |
A carencia a bordo do vehículo das follas de rexistro dos tempos de condución e descanso xa utilizadas. 5.3.2014; 19.28; AP9; 1,2 |
Art. 140.35 LOTT |
1.001,00 € |
Inadmisión do recurso |
OU-01050-O-2014 RA/M/2016/00169 7440-BDH |
Alquior, S.L. |
A carencia a bordo do vehículo das follas de rexistro dos tempos de condución e descanso xa utilizadas. 14.3.2014; 17.30; OU-P-0; 0,1 |
Art. 140.35 LOTT |
1.001,00 € |
Inadmisión do recurso |