Eu, Susana Varela Amboage, letrada da Administración de xustiza do Xulgado do Social número 1 de Santiago de Compostela, fago saber que no procedemento ordinario 1147/2013 deste xulgado do social, seguidos a instancia de Eva B. Fernández Vázquez contra a empresa Ponte Paz, S.L., Fogasa Fondo de Garantía Salarial, sobre ordinario, ditouse a seguinte resolución, cuxa parte dispositiva se achega:
«Fallo:
Que estimando integramente a demanda interposta por Eva Beatriz Fernández Vázquez, contra Ponte Paz, S.L., debo condenar e condeno á mercantil demandada a aboarlle á demandante a suma de 7.956,04 euros polos conceptos analizados no feito probado sexto desta sentenza, máis os intereses por mora previstos no artigo 29.3 do ET respecto da devandita cantidade desde a presentación da papeleta de conciliación ata a presente resolución e os do artigo 576 da LEC a partir da presente resolución.
No que atinxe á responsabilidade do Fogasa non ten lugar á súa condena nesta instancia debendo estarse ao que resulte da aplicación do artigo 33 do ET, con notificación desta resolución.
Notifíquese ás partes a presente resolución facéndoos saber que fronte a esta cabe recurso de suplicación ante a Sala do Social do Tribunal Superior de Xustiza de Galicia, no prazo de cinco días a contar desde o seguinte ao da súa notificación.
A anterior resolución entregarase á letrada da Administración de xustiza para a súa custodia e incorporación ao libro de sentenzas. Insírase nas actuacións por medio de testemuño.
Por esta a miña sentenza, xulgando definitivamente na primeira instancia, pronúncioo, mando e asino.
Publicación. Dada, lida e publicada foi a anterior sentenza por esta xuíza que a subscribe estando a celebrar audiencia pública, en Santiago de Compostela a 23 de decembro de 2016. Dou fe».
E para que sirva de notificación en legal forma a Ponte Paz, S.L., en ignorado paradoiro, expido a presente para a súa inserción no Diario Oficial de Galicia e fixación no taboleiro de anuncios do xulgado.
Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
Santiago de Compostela, 27 de decembro de 2016
A letrada da Administracion de xustiza