Convocada a provisión, polo sistema de libre designación, dun posto de traballo vacante na Consellería de Cultura, Educación e Ordenación Universitaria, mediante unha Orde do 15 de novembro de 2016 (DOG nº 223, do 22 de novembro), e de conformidade co establecido nas bases quinta e sexta da citada convocatoria, esta consellería
RESOLVE:
Primeiro. Adxudicarlle destino, no posto de traballo que se indica, ao funcionario que se relaciona no anexo desta orde.
Segundo. O cesamento no destino actual do funcionario que obtivo a praza producirase no prazo de tres días hábiles, contados a partir do seguinte ao da data da publicación desta orde no Diario Oficial de Galicia.
O prazo para a toma de posesión da praza adxudicada será de tres días hábiles contados a partir do seguinte ao do cesamento, se non implica cambio de residencia, ou de sete días hábiles se comporta cambio de residencia. No caso de que o adxudicatario obteña coa súa toma de posesión o reingreso ao servizo activo, o prazo será de vinte días hábiles e computarase desde a data da publicación desta orde no Diario Oficial de Galicia, de conformidade co establecido no artigo 14 do Regulamento de provisión de postos de traballo, promoción profesional e promoción interna, aprobado polo Decreto 93/1991, do 20 de marzo.
O cómputo dos prazos posesorios iniciarase cando rematen os permisos ou licenzas que, de ser o caso, lle fosen concedidos ó interesado. Nos supostos de baixa temporal ou transitoria, o cómputo do prazo iniciarase a partir da correspondente alta.
Terceiro. A xefatura do centro no que cause baixa o funcionario, así como a daquel no que obteña praza, consignarán no título administrativo, dentro do prazo sinalado no apartado anterior, as dilixencias de cesamento e toma de posesión, das cales lles darán traslado, mediante copia, á Dirección Xeral da Función Pública.
Contra esta orde que pon fin á vía administrativa, poderase interpoñer recurso potestativo de reposición, ante o conselleiro de Cultura, Educación e Ordenación Universitaria, no prazo dun mes a contar desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou ben directamente un recurso contencioso-administrativo ante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 12 de xaneiro de 2017
O conselleiro de Cultura, Educación e Ordenación Universitaria
P.D. (Orde do 25.1.2012; DOG nº 27, do 8 de febreiro)
José Manuel Pinal Rodríguez
Director xeral de Centros e Recursos Humanos
ANEXO
Apelidos e nome: González Hernández, Julio.
Nº rexistro persoal: 3612392090 A2653.
Corpo ou escala: corpo administrativo de Administración xeral da Comunidade de Madrid.
Subgrupo: C1.
Posto de traballo: secretario/a do/a director/a xeral.
Código: ED.601.00.000.15770.001.
Nivel: 18.
Centro directivo: Dirección Xeral de Educación, Formación Profesional e Innovación Educativa.
Localidade: Santiago de Compostela.
