A persoa titular do Servizo de Mobilidade da Xefatura Territorial de Pontevedra acordou a incoación dos expedientes sancionadores número PO-01985-S-2016 e cinco máis por infracción da normativa sobre transporte terrestre.

Intentada a notificación do acordo de incoación por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanse os acordos de incoación ditados ás persoas interesadas.

Infórmaselles que os expedientes sancionadores están á súa disposición nas oficinas do Servizo de Mobilidade da Xefatura Territorial de Pontevedra.

Outorgáselles un prazo quince (15) días hábiles contado desde o día seguinte ao da publicación deste anuncio no BOE para alegar o que consideren conveniente, presentando ou propoñendo as probas que consideren oportunas.

No suposto de que decida voluntariamente pagar a sanción antes de que transcorran trinta (30) días contados desde o seguinte ao da publicación do presente anuncio no BOE, a súa contía reducirase nun 30 % na forma prevista no artigo 146.3 da Lei 16/1987, do 30 de xullo, de ordenación dos transportes terrestres. A realización do dito pagamento implica a conformidade cos feitos denunciados, a renuncia a formular alegacións por parte da persoa interesada e a terminación do procedemento sancionador.

Pontevedra, 2 de decembro de 2016

José Jorge Martínez Fernández
Xefe do Servizo de Mobilidade de Pontevedra

ANEXO

Expediente Matrícula	Denunciado DNI/CIF	Infracción denunciada Data-Hora-Estrada-p.q.	Precepto cualificador	Precepto sancionador	Sanción proposta
PO-01985-S-2016 0881-FZD	Renovados de las Cinco Jotas de Galicia, S.L. B36978716	Atenuante-Realizar transporte público de mercadorías en vehículo lixeiro carecendo de título habilitante. 4.2.2016; 18.45; r/ Conde de Torrecedeira	Art. 141.25 en relación co art. 140.1 LOTT	Art. 143.1.k) LOTT Art. 143.1.f) LOTT	801 euros
PO-02690-O-2016 8040-HBS	Southern Ocean, S.L. B27727775	A carencia, falta de datos esenciales, ocultación ou falta de conservación da documentación de control. 16.3.2016; 11.12; AP-9; 137,5	Art. 141.17 LOTT	Art. 143.1.d) LOTT	401 euros
PO-02852-I-2016 9941-GZM	Popovici Mihai X3668128L	A desatención total ou parcial ás instrucións ou requirimentos dos membros da inspección do transporte terrestre ou das forzas encargadas da vixilancia do transporte na estrada. 24.8.2016	Art. 140.12 LOTT	Art. 143.1.i) LOTT	4.001 euros
PO-03309-O-2016 PO-8203-BH	Enrique García Chan 35322895R	Atenuante-Realizar transporte público de mercadorías en vehículo lixeiro, carecendo de título habilitante. 14.4.2016; 22.17; A-52; 305,0	Art. 141.25 en relación co art. 140.1 LOTT	Art. 143.1.k) LOTT Art. 143.1.f) LOTT	801 euros
PO-03410-O-2016 C-0063-AV	Enrique García Chan 35322895R	A utilización do tacógrafo sen realizar a súa calibración ou revisión periódica nos prazos e forma establecidos. 23.5.2016; 21.00; A-55; 12,0	Art. 140.34 LOTT	Art. 143.1.g) LOTT	1.001 euros
PO-03798-O-2016 7521-JKJ	Milagros Otero Gabian 44674428X	O exceso igual ou superior ao 5 por cento e inferior ao 15 por cento sobre a MMA total en vehículos con MMA ata 12 toneladas. Exceso de peso igual ou superior ao 11 %. 19.5.2016; 18.47; A-52; 299,8	Art. 142.2 LOTT	Art. 143.1.c) LOTT	375 euros