No procedemento de referencia ditouse resolución cuxo encabezamento e resolución din así:

Sentenza

Xuíz que a dita: maxistrado xuíz Estévez Pérez

Lugar: Ourense

Data: vinte e nove de xuño de dous mil dezaseis

Demandante: Servicajeros, S.L.

Avogada: María del Pilar Gil Sánchez

Procurador: Camilo Enríquez Naharro

Demandado: José Antonio Mosquera Rodríguez

Procedemento: xuízo verbal 70/2016

Darío-Carpio Estévez Pérez, maxistrado xuíz do Xulgado de Primeira Instancia número 3 de Ourense, ditou a presente no xuízo verbal civil 70/2016 no cal é parte demandante Servicajeros, representada polo procurador Sr. Enríquez Naharro e coa asistencia da letrada Sra. Gil Sánchez, e como demandado, José Antonio Mosquera Rodríguez, o cal non compareceu a xuízo polo que se declara en situación de rebeldía procesual, cos seguintes.

Seguen antecedentes de feito e fundamentos de dereito.

Decido que, estimando a demanda interposta por Servicajeros, representada polo procurador Sr. Enríquez Naharro, fronte a José Antonio Mosquera Rodríguez, e na devandita razón, este último debe aboar á demandante a cantidade de 4.640,54 euros cos xuros legais do artigo 1108 do CC, desde a data da interpretación xudicial ata o completo pagamento da cantidade resultante.

En canto a custas, obsérvese o disposto no punto correspondente.

Notifíquese esta resolución ás partes, facéndolles saber que contra ela cabe interpoñer recurso de apelación, tal como dispoñen os artigos 455 e concordantes da LAC na súa nova redacción.

Así por esta a miña sentenza, pronúncioo, mándoo e asínoo.

O maxistrado xuíz. Darío-Carpio Estévez Pérez, asinado e rubricado.

E para que conste e sirva de notificación en forma ao demandado José Antonio Mosquera Rodríguez, en ignorado paradoiro, expídese a presente.

Ourense, 13 de outubro de 2016

O/a letrado/a da Administración de xustiza