O Xurado Provincial de Clasificación de Montes Veciñais en Man Común de Pontevedra, en sesión que tivo lugar o día 8 de febreiro de 2016, acordou iniciar os trámites para a clasificación como veciñal en man común do seguinte monte:
Concello: Redondela.
Parroquia: Cesantes.
Nome do monte: Cabaleiro.
Cabida: 4.226 m2 (superficie alegada na solicitude).
Lindes:
Norte: monte veciñal Cabaleiro de Cesantes sen clasificar e área de descanso da estrada N-550 de Redondela a Pontevedra.
Sur: monte veciñal Cabaleiro de Cesantes sen clasificar, ocupado por Herminia Rey Lorenzo.
Leste: monte veciñal Cabaleiro de Cesantes clasificado polo Xurado Provincial mediante Resolución do 30 de maio de 2001.
Oeste: estrada N-550 de Redondela a Pontevedra.
O que se pon en coñecemento de todos os interesados, para efectos de abrir un período dun mes de duración para que se poida examinar o expediente e aducir durante este tempo o que se considere procedente en relación cos montes de referencia, así como presentar cantas alegacións, documentos ou informacións consideren convenientes e, se for o caso, propoñer proba concretando os medios de que pretendan valerse, de conformidade co disposto no artigo 11 da Lei 13/1989, do 10 de outubro, de montes veciñais en man común, e no artigo 23 do Decreto 260/1992, do 4 de setembro, polo que se aproba o regulamento para a execución da dita lei.
Pontevedra, 24 de novembro de 2016
Xosé Carlos Morgade Martínez
Instrutor