Ana María Carrasco García, secretaria do Xulgado do Social número 4 da Coruña, dou fe e certifico que neste xulgado se seguen autos número 650/2015 bis-2 por instancia de José Antonio Rodríguez Molk e doutro, en que son demandadas a empresa Sumtec, S.L., e as empresas Puertas Blindex, S.L., General Panels, S.L., Bianinver Sociedad de Inversiones, S.L., Caamaño y Bianchi Sociedad de Inversiones, S.L. (desistida), o administrador concursal de Sumtec, S.L., Sr. Fernández Obanza Carro e o Fondo de Garantía Salarial, sobre resolución de contrato e despedimento, nos cales se ditou sentenza o 21.10.2016 que, copiada nos particulares necesarios, di así:

«Resolución

Estímase parcialmente a demanda de reclamación de cantidade interposta por José Antonio Rodríguez Molk fronte ás empresas Sumtec, S.L., Puertas Blindex, S.L., General Panels, S.L., Bianinver Sociedad de Inversiones, S.L., Caamaño y Bianchi Sociedad de Inversiones, S.L. (desistida), o administrador concursal de Sumtec, S.L. e o Fondo de Garantía Salarial e, en consecuencia:

– Absólvense as empresas General Panels, S.L. e Bianinver Sociedad de Inversiones, S.L. das pretensións fronte a elas exercidas.

– Condénase solidariamente as empresas Sumtec, S.L. e Puertas Blindex, S.L. a aboar ao demandante a cantidade vinte e seis mil setecentos oitenta e oito euros con cincuenta e dous céntimos de euro (26.788,52 euros), vinculando tales cantidades ao administrador concursal de Sumtec, S.L.

Notifíquese a presente resolución ás partes.

Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, abondando a manifestación da parte ou do seu avogado, graduado social ou representante dentro do indicado prazo.

Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros, na conta de depósitos e consignacións que ten aberta este xulgado, facendo constar no ingreso o número de procedemento.

Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña».

E para que conste, para os efectos da súa publicación no Diario Oficial de Galicia co fin de que sirva de notificación en forma ás empresas General Panels, S.L. e Bianinver Sociedad de Inversiones, S.L. expido e asino a presente.

A Coruña, 18 de novembro de 2016

A secretaria xudicial