De conformidade co disposto nos artigos 44 e 46 da Lei 39/2015, do Procedemento administrativo común das administracións públicas, notifícase a Rafael Oroza Menéndez, con derradeiro domicilio coñecido en Alexandre Bóveda, 1, 3º A, de Foz (Lugo), a Resolución do Presidente de Portos de Galicia, do 16 de setembro de 2016, que decreta a incautación, a favor de Portos de Galicia, da embarcación de nome Flores, con folio 3ª-CO-4-1983, depositada no porto de Burela, por non ser posible a notificación a través do servizo de Correos.
Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no Boletín Oficial del Estado.
A resolución emítese por atoparse a embarcación depositada en estado de abandono desde hai máis dun ano e dado o incumprimento das ordes de retirada emitidas pola Zona Norte, e unha vez que no BOE número 202, do 22 de agosto de 2016, se publica o acordo de inicio de expediente sen que conste a presentación de alegacións, con base no establecido na regra décimo quinta de aplicación á tarifa portuaria E-2 prevista na Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, e no artigo 49 do Regulamento de servizo e policía aprobado pola Orde ministerial do 12 de xuño de 1976.
A incautación implica que Portos de Galicia vai proceder ao alleamento da embarcación de acordo e cos efectos establecidos nos anteriores fundamentos. De non ser factible o alleamento en atención ao estado de conservación da embarcación, ou no caso de quedar deserta a venda, Portos de Galicia poderá proceder a trasladar a embarcación a vertedoiro autorizado. Todos os custos que isto implique serán por conta do propietario.
Contra a presente resolución que pon fin á vía administrativa e é executiva, poderase interpor recurso contencioso-administrativo nun prazo de dous meses contados desde o día seguinte ao da publicación deste anuncio, ante o xulgado do contencioso-administrativo de Santiago de Compostela que corresponda.
O expediente completo para o seu exame e consulta atópase na sede dos servizos centrais de Portos de Galicia, sitos na praza de Europa, número 5-A, 6º de Santiago de Compostela.
Santiago de Compostela, 28 de novembro de 2016
José Juan Durán Hermida
Presidente de Portos de Galicia
