Unha vez informada favorablemente a proposta de deslindamento con predios particulares presentada pola Comunidade de Montes Veciñais en Man Común de Covas, concello de Forcarei, e de acordo co disposto no artigo 54.1 da Lei 7/2012, do 28 de xuño, de montes de Galicia, sobre o procedemento de deslindamento de montes veciñais con propiedades particulares, acórdase sinalar o día 9 de xaneiro de 2017, ás 10.00 horas, para o comezo das operacións de apeo, que comezarán no lugar de Covas, xunto a casa de Porfirio Bugallo González.

Emprázanse as persoas lindeiras e as persoas que acrediten un interese lexítimo para que asistan ao mencionado acto.

Ábrese un prazo dun mes, a partir do día seguinte ao desta publicación, para que quen se conceptúe con dereito á propiedade do monte ou de parte deste e as persoas lindeiras que desexen comparecer presenten as alegacións e os títulos que acrediten a propiedade, no lugar de Covas, nº 10, 36556 Forcarei.

O que se fai público para xeral coñecemento.

Pontevedra, 18 de novembro de 2016

Antonio Crespo Iglesias
Xefe territorial de Pontevedra