De conformidade coa disposición transitoria terceira da Lei 39/2015, do 1 de outubro, do procedemento administrativo común das administracións públicas, ao abeiro dos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas interesadas que se indican a continuación as resolucións ditadas polo xefe territorial nos expedientes administrativos instruídos conforme o disposto na Lei 2/2006, do 14 de xuño, de dereito civil de Galicia, logo dos intentos de notificación realizados sen que fose posible practicar as ditas notificacións ou por descoñecer o domicilio do interesado.
As persoas interesadas poderán interpor recurso contra as resolucións ditadas nos expedientes, definitivas en vía administrativa, no xulgado de primeira instancia de Lugo que por quenda lles corresponda, no prazo de dous (2) meses contados desde o día seguinte á data de publicación deste anuncio no Boletín Oficial del Estado, sen necesidade de reclamación administrativa previa, de conformidade co artigo 780.1 da Lei 1/2000, do 7 de xaneiro, de axuizamento civil.
Os expedientes atópanse á disposición das persoas interesadas no Servizo de Familia, Infancia e Dinamización Demográfica da Xefatura Territorial de Lugo da Consellería de Política Social, rolda da Muralla, 70, baixo, onde, no prazo de dez (10) días contados desde o día seguinte á data de publicación deste anuncio no Boletín Oficial del Estado, poderán comparecer para os efectos do coñecemento do contido íntegro das resolucións, de luns a venres laborables das 9.00 ás 14.00 horas. Advírtese que, de non facelo, se considerarán notificadas.
Lugo, 17 de novembro de 2016
Alberto Linares Fernández
Xefe territorial de Lugo
ANEXO
|
Interesado/a |
Núm. expte. |
Asunto |
Data da resolución |
|
Fouzla Sahbel Khataquat |
2007/145/27 |
Cesamento de medida e arquivamento |
18.10.2016 |
|
Michael Gándara Iglesias |
2009/43/27 |
Cesamento de medida e arquivamento |
9.11.2016 |
|
Fausta Mercedes Rodríguez Durán |
2015/73/27 |
Cesamento de medida e arquivamento |
17.10.2016 |
|
José Ramón Ayala Álvarez |
2015/73/27 |
Cesamento de medida e arquivamento |
17.10.2016 |
