Eu, Blanca Susana Janeiro Amela, letrada da Administración de xustiza do Xulgado do Social número 4 de Pontevedra, fago saber que no procedemento de execución de títulos xudiciais 171/2016 deste xulgado do social, seguido por instancia de Junior Félix del Rosario Vásquez contra Roberto Nogueira González sobre despedimento, se ditou a seguinte resolución:

«Despachar orde xeral de execución da sentenza ditada en data 22 de marzo de 2016 no procedemento despedimento seguido ante este xulgado co número de autos 557/2015, así como do auto declarando extinguida a relación laboral ditado con data do 19 de xullo de 2016 a favor da parte executante, Júnior Félix del Rosario Vásquez, fronte a Roberto Nogueira González, parte executada, por importe de 16.268,95 euros en concepto de principal».

E para que sirva de notificación en legal forma a Roberto Nogueira González, en ignorado paradoiro, expido o presente edicto para a súa publicación no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

Pontevedra, 7 de novembro de 2016

A letrada da Administración de xustiza