De conformidade coa Lei 21/2013, do 9 de decembro, de avaliación ambiental, artigo 47, punto 3, faise público o informe de impacto ambiental do 10 de outubro de 2016, relativo ao proxecto de cambio de uso de solo de forestal a agrícola, sito na parroquia de Santa María Alta, no concello de Lugo, promovido por Raquel Fernández Neira.
Este informe pódese consultar na seguinte ligazón:
http://www.cmati.xunta.es/resolucions-da-avaliacion-ambiental-de-proxectos e nas dependencias da Secretaría Xeral de Calidade e Avaliación Ambiental, sitas en Santiago de Compostela (San Lázaro, s/n, planta baixa).
Santiago de Compostela, 11 de outubro de 2016
Justo de Benito Basanta
Secretario xeral de Calidade e Avaliación Ambiental