DOG 224 do 23/11/2016 - ANUNCIO do 7 de novembro de 2016, da Subdirección Xeral de Inspección do Transporte, polo que se notifican as resolucións dos recursos de alzada ditadas en expedientes sancionadores en materia de transportes terrestres, devoltas polo servizo de Correos porque, intentada a notificación, non se puido efectuar (expediente LU-01122-O-2015 e oito máis).

VI. Anuncios

a) Administración autonómica

Consellería de Infraestruturas e Vivenda

ANUNCIO do 7 de novembro de 2016, da Subdirección Xeral de Inspección do Transporte, polo que se notifican as resolucións dos recursos de alzada ditadas en expedientes sancionadores en materia de transportes terrestres, devoltas polo servizo de Correos porque, intentada a notificación, non se puido efectuar (expediente LU-01122-O-2015 e oito máis).

A persoa titular da Dirección Xeral de Mobilidade ditou as resolucións dos recursos de alzada presentados no expediente sancionador número LU-01122-O-2015 e oito máis, por infracción da normativa sobre transporte terrestre.

Intentada a notificación da resolución por correo certificado con xustificante de recepción no enderezo que consta no correspondente expediente sancionador, esta foi devoltapolo servizo de Correos. Por este motivo e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanse as resolucións ditadas ás persoas interesadas.

Infórmase que os expedientes sancionadores se atopan á súa disposición nas oficinas da Subdirección Xeral de Inspección do Transporte, situadas na Praza de Europa, 5A, 2º, en Santiago de Compostela.

Contra as ditas resolucións, que poñen fin á vía administrativa, cabe recurso contencioso-administrativo ante o xulgado do contencioso-administrativo, no prazo de dous meses contados desde o día seguinte ao da publicación deste anuncio no BOE, de conformidade cos artigos 8 e 14 da Lei 29/1998, do 13 de xullo, reguladora da xurisdición contencioso-administrativa.

No caso de non ter aboado o importe da sanción, deberán pagar o dito importe dentro do prazo establecido no artigo 62 da Lei 58/2003, do 12 de decembro, xeral tributaria, empregando o modelo impreso que se facilitará nas oficinas da Subdirección Xeral de Inspección do Transporte.

De non efectuarse o ingreso no dito prazo, cobrarase pola vía de constrinximento, segundo o disposto na normativa vixente.

Santiago de Compostela, 7 de novembro de 2016

David Conde Varela
Subdirector xeral de Inspección do Transporte

ANEXO

Expediente Matrícula	Persoa sancionada DNI/CIF	Infracción cometida Data-Hora-Estrada-p.q.	Precepto cualificador	Precepto sancionador	Sanción imposta	Resolución recurso
LU-01122-O-2015 6052-DTY	Almafrio, S.L. B73691511	Non levar a bordo a documentación acreditativa da substitución dun vehículo por avaría. 5.6.2015; 7.00; A8; 593,0	Art. 142.9 LOTT	Art. 143.1.b) LOTT	201	Desestimado
OU-00934-O-2014	Graveras Castro, S.L. B32114936	O exceso igual ou superior ao 2,5 por cento e inferior ao 10 % sobre a MMA total en vehículos con MMA superior a 12 toneladas. Exceso de peso superior ao 2,5 %. 5.2.2014; 10.36; A-52; 217	Art. 142.2 LOTT	Art. 143.1.c) LOTT	301	Desestimado
OU-01964-O-2014 2101-DHN	Transtanoa, S.L. B94028263	Diminución do descanso diario, en condución en equipo, en máis de 2 horas (sobre 9 horas nun período de 30 horas). Atenuante - Menos de 4 horas e 30 minutos. 3.10.2014; 19.40; A-52; 262	Art. 141.25 LOTT Art. 140.37.1 LOTT	Art. 143.1.k) LOTT Art. 143.1.d) LOTT	600	Desestimado
PO-02756-O-2014 3477-BDB	Álvarez López, Sinesio 34974134N	Diminución do descanso semanal normal. Igual ou superior a 42 horas e inferior a 45 horas. 19.7.2014; 14.00; A55; 27,2	Art. 142.17 LOTT	Art. 143.1.a) LOTT	100	Desestimado
PO-02863-S-2014 0626-DLJ	Transportes Vitalgo, S.L. B36848646	A falta de consignación do lugar de comezo ou do final de utilización nunha folla de rexistro ou documento de impresión dos tempos de condución e descanso. 22.8.2014; 9.20; Avda. Clara Campoamor, 4	Art. 142.4 LOTT	Art. 143.1.c) LOTT	301	Desestimado
PO-03370-S-2014 6610-GGX	Transtanoa, S.L. B94028263	Exceso no tempo de condución bisemanal (90 horas). Máis de 90 horas ata 100 horas 1.9.2014; 8.40; avda. de Madrid	Art. 142.17 LOTT	Art. 143.1.a) LOTT	100	Desestimado
PO-03583-O-2014 6585-CPM	Indicom Logística, S.L. B97845655	Atenuante - A utilización de follas de rexistro dos tempos de condución e descanso non homologadas ou que resulten incompatibles co tacógrafo utilizado. 22.10.2014; 9.15; A52; 278,3	Art. 142.19 LOTT Art. 141.11 LOTT	Art. 143.1.k) LOTT Art. 143.1.a) LOTT	201	Desestimado
PO-03584-O-2014 6585-CPM	Indicom Logística, S.L. B97845655	Non levar a bordo do vehículo o título habilitante ou a documentación formal que acredite a posibilidade legal de prestar o servizo. 22.10.2014; 9.15; A52; 278,3	Art. 142.8 LOTT	Art. 143.1.b) LOTT	201	Desestimado
XC-05196-O-2014 6705-FLL	Transportes Logísticos Pocomaco, S.L. B15853740	Non levar a bordo a documentación acreditativa da substitución dun vehículo por avaría. 29.7.2014; 20.36; AC550; 106,1	Art. 142.9 LOTT	Art. 143.1.b) LOTT	201	Desestimado