O día 15 de setembro de 2016, o director xeral de Emerxencias e Interior adoptou unha resolución co contido que sumariamente se recolle no anexo deste anuncio. Segundo consta no expediente, intentada a práctica da notificación á entidade interesada, non foi posible realizala, polo que, en aplicación do disposto no artigo 44 da Lei 39/2015, do 1 de outubro, do procedemento administrativo común das administracións públicas, procede a súa notificación por medio dun anuncio publicado no Boletín Oficial del Estado.
A entidade interesada poderá comparecer nas oficinas do Servizo de Xogo da Dirección Xeral de Emerxencias e Interior, situado na rúa Roma, 25-27 de Santiago de Compostela (das 9.00 ás 14.00 horas, de luns a venres), para o coñecemento íntegro da mencionada resolución e constancia de tal coñecemento.
De conformidade co establecido nos artigos 121 e 122 da Lei 39/2015, do 1 de outubro, contra esta resolución, que non pon fin á vía administrativa, poderá interpoñerse un recurso de alzada ante a Vicepresidencia e Consellería de Presidencia, Administracións Públicas e Xustiza no prazo dun mes. Debido a que a eficacia do acto queda supeditada á súa publicación no taboleiro de edictos único do Boletín Oficial del Estado (TEU do BOE), o dito prazo comezará a contar a partir do día seguinte ao desa publicación.
Santiago de Compostela, 7 de outubro de 2016
Luis Menor Pérez
Director xeral de Emerxencias e Interior
ANEXO
Expediente: P-15/15.
Interesada: Fernaldre, S.L.
DNI/NIF: B15111644.
Último enderezo coñecido: Vía Edison, 38, parcela 247, pol. do Tambre, Santiago de Compostela.
Data da resolución: 15 de setembro de 2016.
Precepto infrinxido: artigo 61 do Decreto 39/2008, do 21 de febreiro.
Tipificación: artigo 29.i) da Lei 14/1985, do 23 de outubro, reguladora dos xogos e apostas en Galicia.
Sanción: caducidade.