Anúnciase que o Concello Pleno, en sesión ordinaria do día 5 de agosto de 2016, adoptou, entre outros, o seguinte acordo, cuxa parte dispositiva di:

«O Pleno do Concello, por dez votos a favor dos grupos municipais do Partido Popular e dezasete abstencións dos grupos municipais de Democracia Ourensana, PSdeG-PSOE e Ourense en Común, adoptou o seguinte acordo:

1º. Aprobar definitivamente o Plan especial de dotacións para equipamento relixioso en solo rústico en Vilar de Astrés (ao carón da estrada provincial OU-0526 Vilar-Madrosende), por instancia da congregación Hermanas Pobres de Santa Clara (R.R. Clarisas Reparadoras).

2º. Comunicar a aprobación definitiva á Consellería de Medio Ambiente, Territorio e Infraestruturas da Xunta de Galicia, dándolle traslado dunha copia autenticada de dous exemplares do instrumento aprobado definitivamente con todos os planos e documentos que integran o plan aprobado definitivamente, debidamente dilixenciados polo secretario xeral do Pleno do Concello, facendo constar tal aspecto.

Réxime de recursos.

Contra o presente acordo, que pon fin á vía administrativa e aproba definitivamente unha disposición de carácter xeral, só poderá interporse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte a aquel en que reciba a presente notificación ou ben no prazo de seis meses contados a partir do día seguinte a aquel en que se entenda desestimado por silencio o recurso de reposición que se indica no seguinte parágrafo, se fose interposto, conforme o establecido nos artigos 50 do Real decreto lexislativo 2/2008; 52 da Lei reguladora das bases de réxime local; 194, 209 e concordantes do Regulamento de organización, funcionamento e réxime xurídico das entidades locais; 58 e 117 da Lei de réxime xurídico das administracións públicas e do procedemento administrativo común, así como os artigos 8, 10 e 46 da Lei 29/1998, do 13 de xullo, reguladora da xurisdición contencioso-administrativa.

Non obstante, poderá interporse recurso de reposición, con carácter potestativo, fundamentado exclusivamente en cuestións formais de procedemento administrativo referidas ao presente expediente, no prazo dun mes ante o mesmo órgano que o ditou, conforme o establecido nos artigos 52 da Lei reguladora das bases de réxime local; 194, 209 e concordantes do Regulamento de organización, funcionamento e réxime xurídico das entidades locais e 58 e 117 da Lei de réxime xurídico das administracións públicas e do procedemento administrativo común».

Con data do 9 de setembro de 2016, recibiu o expediente a Consellería de Medio Ambiente, Territorio e Infraestruturas.

Ourense, 9 de setembro de 2016

Jesús Vázquez Abad
Alcalde presidente