Tipo e número de recurso: RSU recurso de suplicación 803/2016

Xulgado de orixe/autos: Seguridade Social 806/2012 do Xulgado do Social número 4 da Coruña

Eu, María Isabel Freire Corzo, letrada da Administración de xustiza da Sala do Social do Tribunal Superior de Xustiza de Galicia, fago saber que no procedemento de recurso de suplicación 803/2016, seguido por instancia da Mutua Gallega de Accidentes de Trabajo contra o Instituto Nacional da Seguridade Social, contra a Tesouraría Xeral da Seguridade Social, Sanidad de Castilla y León, Sacyl, Xerencia de Saúde Áreas León e O Bierzo, Josefa María López González, Construcciones y Promociones Cayao, S.L., sobre incapacidade permanente, se ditou a seguinte resolución:

«Desestimando o recurso de suplicación interposto polo Instituto Nacional da Seguridade Social contra a sentenza do 28 de setembro de 2015, do Xulgado do Social número 4 da Coruña, ditada en xuízo seguido por instancia da mutua colaboradora da Seguridade Social Mutua Gallega, contra Josefa María López González, a entidade mercantil Construcciones y Promociones Cayao Sociedad Limitada, a Consellería de Sanidade de Castilla León, o recorrente e a Tesouraría Xeral da Seguridade Social, a sala confírmaa integramente.

Notifíquese a presente resolución ás partes e á Fiscalía do Tribunal Superior de Xustiza de Galicia.

Modo de impugnación. Fáiselles saber ás partes que contra esta sentenza cabe interpor recurso de casación para unificación de doutrina, que se debe preparar mediante escrito presentado ante esta sala dentro do improrrogable prazo de dez (10) días hábiles inmediatos seguintes á data da notificación da sentenza. Se o recorrente non ten a condición de traballador ou beneficiario do réxime público da Seguridade Social, deberá efectuar:

– O depósito de 600 euros na conta de 16 díxitos desta sala, aberta no Banco de Santander (Banesto) co número 1552 0000 37, seguida de catro díxitos correspondentes ao número do recurso e dous díxitos do ano.

– Así mesmo, se hai cantidade de condena, deberá consignala na mesma conta, pero co código 80 en vez do 37 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou Concepto da transferencia” os 16 díxitos que corresponden ao procedemento (1552 0000 80 ou 37 **** ++).

Unha vez firme, expídase certificación para constancia na peza, que se arquivará neste tribunal e incorpórese o orixinal ao correspondente libro de sentenzas, logo de devolución dos autos ao xulgado do social de procedencia.

Así, por esta nosa sentenza, pronunciámolo, mandámolo e asinámolo».

E para que sirva de notificación en legal forma á empresa Construcciones y Promociones Cayao, S.L., en ignorado paradoiro, con último domicilio en Pontevedra, expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

A Coruña, 14 de outubro de 2016

A letrada da Administración de xustiza