1. Entidade adxudicadora: Concello de Arzúa.

2. Obxecto do contrato:

a) Descrición do obxecto: a produción integral dos espectáculos que se van celebrar na 42ª Festa do Queixo do Concello de Arzúa (ano 2017).

b) Nomenclatura CPV-2008: 92312100-2.

c) Lugar de execución: Arzúa.

d) Prazo de execución: desde o día seguinte á sinatura do contrato ata o día 10 de marzo de 2017 (incluíndo a desmontaxe das instalacións).

3. Tramitación, procedemento e forma de adxudicación:

a) Tramitación: ordinaria.

b) Procedemento: aberto.

c) Forma: con pluralidade de criterios de valoración.

4. Orzamento:

a) Orzamento de licitación: 108.500 euros (89.669,42 euros, máis 18.830,58 euros en concepto de IVE ao 21 %).

b) Revisión de prezos: dada a natureza e prazo de duración deste contrato non procede revisión de prezos.

5. Garantías:

a) Provisional: non se exixe.

b) Definitiva: 5 % do importe de adxudicación, excluído o IVE.

6. Obtención de documentación e información:

a) Entidade: Departamento de Secretaría do Concello e no perfil de contratante www.concellodearzua.org.

b) Domicilio: rúa Santiago, nº 2.

c) Localidade e código postal: Arzúa 15810.

d) Teléfono: 981 50 00 00/981 81 50 01.

e) Telefax: 981 50 09 14.

f) Data límite de obtención de documentos e información: ata as 14.00 horas do día en que remate o prazo de presentación de ofertas.

7. Requisitos específicos do contratista:

a) Clasificación: non se exixe.

b) Solvencia económica e financeira: segundo a cláusula 16, nº 4, letra a).

c) Solvencia técnica ou profesional: segundo a cláusula 16, nº 4, letra b).

8. Criterios de valoración:

Serán os seguintes:

1º. Avaliables mediante xuízos de valor:

a) Mellores grupos ofertados segundo a filosofía do evento: ata 35 puntos.

b) Realización doutros espectáculos musicais por riba dos mínimos exixidos no prego: ata 5 puntos.

2º. Avaliables de forma automática mediante aplicación de fórmulas:

c) Oferta económica: ata 40 puntos.

d) Oferta económica ofertada polos licitadores que teña por finalidade a realización dunha campaña publicitaria relacionada co obxecto do contrato: espectáculos que terán lugar na 42ª Festa do Queixo do Concello de Arzúa (2017): ata 10 puntos.

e) Realización de obradoiros culturais (gastronómicos, didácticos, musicais, pintura e/ou danza, etc…): ata 10 puntos.

9. Presentación das ofertas:

a) Data límite de presentación: 15 días naturais, contados desde o día seguinte ao da publicación do presente anuncio no último dos dous boletíns en que apareza (DOG ou BOP).

b) Documentación que se deberá presentar: a especificada na cláusula 11, nº 3, puntos 1, 2 e 3 do prego de cláusulas administrativas particulares.

c) Lugar de presentación: Rexistro Xeral do Concello.

10. Apertura das ofertas:

A Mesa de Contratación, ás 10.00 horas do terceiro día hábil seguiente a aquel en que remate o prazo de presentación das proposicións, abrirá a documentación presentada nos sobres A. A data de apertura dos sobre B (en acto público) anunciarase previamente no taboleiro de anuncios do concello e no perfil de contratante, nos termos sinalados no prego de cláusulas administrativas particulares.

11. Gastos de publicación dos anuncios de licitación: serán por conta do adxudicatario, ata un máximo de 1.500 euros.

Arzúa, 4 de novembro de 2016

José Luis García López
Alcalde