De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, logo de intentada a notificación persoal, e ao ser devolta polo servizo de Correos, publícase a apertura do prazo de alegacións que se concede á entidade Punta do Trei, S.L. no procedemento de reposición do expediente DH.D15.30718.
De acordo co establecido no artigo 61 da mencionada lei, o expediente relacionado está á disposición da interesada nas oficinas de Augas de Galicia, sitas na praza de Camilo Díaz Baliño, 7-9, 15781 Santiago de Compostela, para a súa consulta no prazo de quince (15) días hábiles, que se contarán desde o día seguinte ao da publicación deste anuncio no Boletín Oficial del Estado.
Transcorrido o dito prazo sen efectuarse a comparecencia, a notificación entenderase producida ao día seguinte á data desta publicación no Boletín Oficial del Estado. A interesada disporá dun prazo de quince (15) días hábiles, contados a partir do día seguinte a aquel en que se produza a presente notificación, para alegar e presentar os documentos e informacións que coide pertinentes.
Santiago de Compostela, 29 de setembro de 2016
Roberto Rodríguez Martínez
Director de Augas de Galicia