O director da Axencia de Protección da Legalidade Urbanística ditou, o 5 de setembro de 2016, resolución pola que se impón unha segunda multa coercitiva, como consecuencia de incumprir o ordenado na Resolución do 20 de decembro de 2012, en que se lle ordena a demolición das obras consistentes na edificación con tipoloxía de nave industrial, soportal, edificación con tipoloxía de galpón e espazo cuberto, almacenamento de chatarra e vehículos para despezamento en evidente estado de deterioración e abandono, sitas no lugar de Berán, no termo municipal de Leiro, provincia de Ourense, por ser incompatibles co ordenamento xurídico vixente.
Ao non poderse realizar a notificación persoal daquela resolución a José Luis Vigo Soto, mediante a presente cédula, e ao amparo do disposto no artigo 44 da Lei 39/2015, do 1 de outubro, de procedemento administrativo común das administracións públicas, notifícaselle ao interesado a devandita resolución, por medio dun anuncio publicado no Boletín Oficial del Estado. A súa data de publicación é a que determina a eficacia do acto notificado.
Tendo en conta que, en atención ao previsto no artigo 46 da Lei 39/2015, do 1 de outubro, de procedemento administrativo común das administracións públicas, o acto non se publica na súa integridade, comunícaselle ao interesado que o texto íntegro da resolución que se notifica se encontra á súa disposición nas dependencias da Axencia de Protección da Legalidade Urbanística, situadas no Edificio Witland-Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación desta cédula. Transcorrido o devandito prazo sen efectuarse a comparecencia, a notificación entenderase producida ao día seguinte da súa publicación.
Contra esta resolución, o interesado pode interpoñer recurso de reposición ante o director da Axencia de Protección da Legalidade Urbanística no prazo dun mes, contado a partir do día seguinte a aquel en que se produza a notificación, ou ben, se non exercita o seu dereito a presentar recurso potestativo de reposición, pode interpoñer directamente recurso contencioso-administrativo, no prazo de dous meses, ante o xulgado do contencioso-administrativo en cuxa circunscrición radique o inmoble afectado, conforme o disposto no artigo 14.1, regra terceira, da Lei 29/1998, reguladora da xurisdición contencioso-administrativa.
Para que conste, e lle sirva de notificación ao citado interesado en cumprimento do disposto no artigo 44 da Lei 39/2015, do 1 de outubro, de procedemento administrativo común das administracións públicas, expido e asino esta cédula.
Santiago de Compostela, 18 de outubro de 2016
José Antonio Cerdeira Pérez
Director da Axencia de Protección da Legalidade Urbanística