Raquel Blanco Pérez, secretaria xudicial do Xulgado de Primeira Instancia número 6 de Ourense, fai saber que no procedemento de modificación de medidas 237/2016, se ditou sentenza, cuxo encabezamento e resolución son os seguintes:
Vistos os presentes autos nº 237/16 sobre modificación de medidas, promovidos pola procuradora Sra. Saco, en nome e representación de Aarón Bayón Álvarez como demandante, asistido polo letrado Sr. Limia, fronte a Diana Alejandra Correa Flórez, declarada en rebeldía, con intervención do Ministerio Fiscal.
Seguen antecedentes de feito e fundamentos de dereito.
Resolución:
Estimo a demanda interposta pola procuradora Sra. Saco, en nome e representación de Aarón Bayón Álvarez, fronte a Diana Alejandra Correa Flórez, e declaro a modificación das medidas acordadas na sentenza do 2.6.2015, nos seguintes termos:
a) Suspéndese o réxime de visitas que Diana Alejandra Correa Flórez tiña co seu fillo Gabriel.
b) Atribúeselle o exercicio exclusivo da patria potestade ao pai.
Non se impoñen as custas do presente procedemento a ningunha das partes.
Esta sentenza non é firme.
Conforme o disposto no artigo 208.4 da LAC, indícase que contra a presente resolución cabe interpor, no prazo de 20 días, recurso de apelación (artigos 457 e ss. LAC) ante este tribunal, e nese caso deberase constituír o depósito legalmente establecido.
Así o acorda, manda e asina S.Sª. Dou fe.
E como consecuencia do ignorado paradoiro de Diana Alejandra Correa Flórez, expídese a presente para que sirva de cédula de notificación.
Ourense, 30 de setembro de 2016
A letrada da Administración de xustiza