A Asociación Cultural e Social de Chapela solicita a inscrición da Escola de Música de Chapela no Rexistro de Escolas de Música e Danza da Comunidade Autónoma de Galicia, de conformidade coa Orde do 11 de marzo de 1993, que regula as condicións de creación e funcionamento destas escolas.
Logo de realizar os trámites que establece a normativa vivente, a Xefatura Territorial de Pontevedra achega o expediente cos correspondentes informes.
Por isto, por proposta da Dirección Xeral de Centros e Recursos Humanos,
DISPOÑO:
Primeiro. Autorizar a inclusión no Rexistro de Escolas de Música e Danza da Comunidade Autónoma de Galicia da escola de música que se sinala:
Provincia: Pontevedra.
Concello: Redondela.
Localidade: Chapela.
Código postal: 36320.
Domicilio: avenida de Redondela, nº 17, baixo.
Código do centro: 36024941.
Titular: Asociación Cultural e Social de Chapela.
Denominación: Escola de Música de Chapela.
Segundo. Esta escola queda sometida ao réxime de escolas de música e danza, segundo o establecido na Orde do 11 de marzo de 1993 e aos servizos de inspección correspondentes.
Terceiro. O centro deberá solicitar a oportuna revisión da inscrición cando teñan que modificarse calquera dos datos sinalados nesta orde.
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben, directamente, o recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 27 de setembro de 2016
Román Rodríguez González
Conselleiro de Cultura, Educación e Ordenación Universitaria
