En cumprimento do establecido no artigo 48 da Lei 21/2013, do 9 de decembro, de avaliación ambiental, faise público que, de acordo co establecido no artigo 60.1.c) da Lei 7/2012, do 28 de xuño, de montes de Galicia, a Xefatura Territorial da Consellería do Medio Rural de Lugo, autorizou, mediante a Resolución do 20.9.2016, o cambio de actividade de forestal a agrícola na parcela 203 do polígono 100 do termo municipal de Castroverde (Lugo).
O proxecto foi sometido previamente a avaliación ambiental simplificada e o informe de impacto ambiental foi formulado con data do 23.6.2016. O anuncio foi publicado no DOG nº 137, do 20 de xullo.
Lugo, 21 de setembro de 2016
José Ramón Losada Fernández
Xefe territorial de Lugo