Para os efectos previstos no artigo 49 da Lei 7/2012, do 28 de xuño, de montes de Galicia, dáselle publicidade ao comezo do deslindamento parcial do monte veciñal en man común de Viloalle, pertencente á comunidade de Viloalle (expediente 15/79), cos montes estremeiros de Estelo, Braña e Toxiza, pertencentes á comunidade de Estelo e Tronceda (expediente 13/79), e os montes de Toxiza, Braña, Pena do Rei e Pombeiro, pertencentes á comunidade de Figueiras (expediente 17/79), todos eles situados no concello de Mondoñedo.

Fíxase un prazo de 30 días naturais, contados desde o día seguinte ao da publicación do anuncio no Diario Oficial de Galicia, para que as comunidades afectadas presenten no Servizo de Montes de Lugo, situado na rolda da Muralla, 70, baixo 2º, a documentación acreditativa da propiedade que consideren oportuna.

O Servizo de Montes de Lugo acordou sinalar a data do 14 de novembro de 2016, ás 9.30 horas, no lugar denominado Campo dos Paxariños, na avenida San Lucas, en Mondoñedo, para comezar as operacións de deslindamento que levará a cabo o enxeñeiro de montes Santiago Fraga Sáenz.

Lugo, 22 de setembro de 2016

José Ramón Losada Fernández
Xefe territorial de Lugo