Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 193 Luns, 10 de outubro de 2016 Páx. 46470

VI. Anuncios

a) Administración autonómica

Consellería de Economía, Emprego e Industria

ANUNCIO do 20 de setembro de 2016, da Secretaría Xeral de Emprego, polo que se dá publicidade ás sancións firmes impostas pola comisión de infraccións moi graves en materia de prevención de riscos laborais (expediente 2009/0045-0 e un máis).

Unha vez que adquiriron firmeza as sancións impostas ás empresas que se relacionan, pola comisión de dúas infraccións moi graves en materia de prevención de riscos laborais, procédese a darlles publicidade, de conformidade co disposto na Orde da Consellería de Traballo do 30 de xullo de 2008 sobre a publicación das sancións nesa materia e cos datos establecidos no artigo 3 da citada orde.

Expediente: RL 2009/0045-0.

– Nome ou razón social da empresa: Construcciones Vale, S.L.

– Sector da actividade e CNAE: construción xeral de inmobles e obras de enxeñaría civil (4520).

– CIF: B36024933.

– Domicilio social: A Vesadiña-Leirado, Toucedos, 36457 Salvaterra de Miño.

– Infracción cometida: artigo 13.8.b) do texto refundido da Lei de infraccións e sancións na orde social, aprobado polo Real decreto lexislativo 5/2000, do 4 de agosto. Falta de recurso preventivo, sendo este preceptivo.

– Precepto legal infrinxido: artigos 4.2 e 29.1 do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores. Artigos 14.2 e 15.2 da Lei 31/1995, do 8 de novembro, de prevención de riscos laborais.

– Importe da sanción económica imposta: 60.000,00 euros.

– Data de extensión da acta: 30.9.2009.

– Data de firmeza da sanción: 22.6.2016.

Expediente: RL 2013/0029-0.

– Nome ou razón social da empresa: Produción e Xestión Cultural, S.L.

– Sector da actividade e CNAE: artes escénicas (9002).

– CIF: B36743755.

– Domicilio social: rúa Policarpo Sanz, 22, 36201, Vigo.

– Infracción cometida: artigo 13.10 do texto refundido da Lei de infraccións e sancións na orde social, aprobado polo Real decreto lexislativo 5/2000, do 4 de agosto. Incumprir as disposicións mínimas de seguridade e saúde no relativo ao uso dos equipamentos de traballo, xerando un risco grave e inminente para a seguridade e saúde dos traballadores.

– Precepto legal infrinxido: anexo IV, letra c, número 3.b) do Real decreto 1627/1997, do 24 de outubro, polo que se establecen as disposicións mínimas de seguridade e saúde nas obras de construción, así como o artigo 172 do título IV do Convenio xeral da construción 2007-2011.

– Importe da sanción económica imposta: 40.986,00 euros.

– Data de extensión da acta: 10.10.2013.

– Data de firmeza da sanción: 22.6.2016.

Conforme o disposto no artigo 2.4 da Orde da Consellería de Traballo do 30 de xullo de 2008, semestralmente publicarase a relación de empresas sancionadas na páxina web da citada consellería.

Ademais, procederase á inscrición no Rexistro Público de Empresas Sancionadas por comisión de infraccións moi graves en materia de prevención de riscos laborais dos datos publicados neste anuncio, de acordo co previsto no artigo 4 da dita orde. Estes datos cancelaranse de oficio aos cinco anos contados desde o día seguinte ao da súa publicación.

Santiago de Compostela, 20 de setembro de 2016

Covadonga Toca Carús
Secretaria xeral de Emprego