Para xeral coñecemento, de conformidade co disposto nos artigos 72 e 104 e seguintes da Lei 29/1998, do 13 de xullo, reguladora da xurisdición contencioso-administrativa, faise público que a Sección Sétima da Sala do Contencioso-Administrativo do Tribunal Supremo, con data do 19 de maio de 2016, ditou sentenza no recurso de casación núm. 1214/2015, contra a sentenza pronunciada, o 4 de febreiro de 2015, pola Sección Primeira da Sala do Contencioso-Administrativo do Tribunal Superior de Xustiza de Galicia, no procedemento ordinario 153/2014, interposto pola procuradora Dulce María Maneiro Martínez en nome e representación do Colexio Oficial de Médicos de Pontevedra, contra o Decreto 36/2014, do 20 de marzo, polo que se regulan as áreas de xestión clínica do Servizo Galego de Saúde.

Esta sentenza, que é firme, na súa parte dispositiva literalmente di:

«Non procede o recurso de casación número 1214/2015, interposto polo Servizo Galego de Saúde, representado polo procurador Argimiro Vázquez Guillén, contra a sentenza ditada polo Tribunal Superior de Xustiza de Galicia, Sala do Contencioso-Administrativo, do 4 de febreiro de 2015, sen condena en custas».

En consecuencia, queda firme a decisión pronunciada o 4 de febreiro de 2015 pola Sección Primeira da Sala do Contencioso-Administrativo do Tribunal Superior de Xustiza de Galicia, en canto anulaba o artigo 10 do mencionado Decreto 36/2014 no que atinxe á libre designación como forma de provisión do/da director/a de área de xestión clínica.

Santiago de Compostela, 20 de setembro de 2016

Josefina Monteagudo Romero
Secretaria xeral técnica da Consellería de Sanidade